დღეს „ნაციონალური მოძრაობის“ პარტიამ ბათუმში დაამტკიცა, რომ მაგარი კაცების, მაგარი ქართველების და მაგარი ვაჟკაცი გოგონების პარტიაა, – ამის შესახებ „ნაციონალური მოძრაობის“ წევრმა, ლევან ხაბეიშვილმა საქართველოს პირველი არხის გადაცემაში „აქტუალური შაბათი – მაკა ცინცაძესთან ერთად“ განაცხადა.

„ქალბატონების, რომლებმაც უთანასწორო ბრძოლაში იბრძოლეს. არ დაგავიწყდეთ, რომ ეს ქალაქი 2021 წელს პირწმინდად მოიგო „ნაციონალურმა მოძრაობამ“. არავის არაფერი შეეშალოს იმით, რომ 14 საარჩევნო უბანზე 1 000 კაცი გადმოწერეს“, – განაცხადა ხაბეიშვილმა.

გადაცემის წამყვანის შეკითხვაზე, ელოდებოდა თუ არა იმ შედეგებს, რომელიც ცესკო-ს მონაცემებით გახდა ცნობილი, ხაბეიშვილმა აღნიშნა, რომ არსებული გარემოებებიდან გამომდინარე, ის დარწმუნებული იყო, რა შედეგიც დადგებოდა.

„კი არ ველოდებოდი, პირდაპირ გეუბნებით, დარწმუნებული ვიყავი, რა შედეგიც დადგებოდა. 14 საარჩევნო უბანზე არჩევნები არ ტარდება. ბუნებრივად არ ტარდება. წარმოუდგენელია, ამხელა ადმინისტრაციულ რესურსს დაეჯახო. ოღონდ, მე, როგორც ადამიანს და როგორც პოლიტიკოსს, არ შემეძლო, ამ პოლიტიკური ველიდან გაქცევა. დღეს ამიტომ ვარ ბათუმში და მათ შორის, მთელი დღის განმავლობაში სააარჩევნო უბანზე ვიდექი. იმიტომ, რომ ჩემს კოლეგას ვცემ პატივს, რომელიც მომიკლეს. დიახ, მომიკლეს და არანაირი საგამოძიებო მოქმედება არ მიმდინარეობს. თუ მიმდინარეობს, არ ვიცი, გვითხრან შედეგები“, – განაცხადა ხაბეიშვილმა.

ავტორი: ექსპრესნიუსი,

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს