2022-03-28 11:24:23, 960 ნახვა
პოლიტიკა
პრემიერი - არ შეიძლება, როცა მოქალაქეები კეტავენ ქუჩებს ავტომობილებით, ქვეყანაში უნდა იყოს წესრიგი
არ შეიძლება, როცა ადამიანები პროვოკაციულად იქცევიან და კეტავენ ქუჩებს საკუთარი ავტომობილებით, - ამის შესახებ პრემიერ-მინისტრმა ირაკლი ღარიბაშვილმა განაცხადა, რითიც გუშინ საწვავის ფასის ზრდის გამო გამართულ საპროტესტო აქციას გამოეხმაურა.
როგორც პრემიერმა მთავრობის სხდომაზე აღნიშნა, ქვეყანაში უნდა იყოს წესრიგი და ყველა მოქალაქე უნდა დაემორჩილოს კანონს.
„კიდევ ერთხელ მინდა ჩვენ მოქალაქეებს მივმართო, ნუ ავყვებით ამ პროვოკაციებს. გუშინ პოლიციას მოუწია რეაგირება, რა თქმა უნდა, ეს ძალიან სწორი, იყო იმიტომ, რომ არ შეიძლება, როცა ადამიანები ასე პროვოკაციულად იქცევიან და კეტავენ ქუჩებს საკუთარი ავტომობილებით, ეს არის მიუღებელი, ქვეყანაში უნდა იყოს წესრიგი და ყველა მოქალაქე უნდა დაემორჩილოს კანონს და წესებს“, - განაცხადა პრემიერმა.
ავტორი: ექსპრესნიუსი,
epn.ge (@expressnews.ge)
