რუსეთის ფედერაციას შეუძლია გამოიყენოს ბირთვული იარაღი, თუ მის უსაფრთხოებას საფრთხე დაემუქრება, მაგრამ მიაჩნია,  რომ დიპლომატიური მოლაპარაკებები ყველაზე სწორი გზაა, მათ შორის, უკრაინასთან მიმართებაში, - ამის შესახებ რუსეთის უშიშროების საბჭოს თავმჯდომარის მოადგილემ, დიმიტრი მედვედევმა განაცხადა.

„რუსეთი არ არის ჩვეულებრივი სახელმწიფო, ეს სახელმწიფოა, რომელიც არის გაეროს უშიშროების საბჭოს მუდმივი წევრი. რუსეთი არის ბირთვული ძალა, ბირთვული იარაღის ყველაზე ძლიერი მარაგის მფლობელი, სტრატეგიული არსენალის მფლობელი. ბუნებრივია, არავინ არავის ემუქრება..ჩვენი ქვეყნის სტრატეგიული პოტენციალი იყო გადასული საგანგებო რეჟიმში, რათა ყველას ესმოდეს ის საფრთხეები, რომლებთანაც შეტაკება უწევთ სხვა სახელმწიფოებს, თუ შეეცდებიან გავლენა მოახდინონ ჩვენს ქვეყანაზე“, - განაცხადა მედვედევმა.

მედვედევის თქმით, არსებობს დოკუმენტი, რომელშიც მითითებულია საფუძველი, რის შემთხვევაშიც რუსეთი იტოვებს უფლებას გამოიყენოს ბირთვული იარაღი.

„პირველი - ეს მაშინ, როდესაც განხორციელდება სარაკეტო შეტევა რუსეთის წინააღმდეგ ბირთვული იარაღის გამოყენებით. მეორე შემთხვევაა, ბირთვული იარაღის მორიგი გამოყენება რუსეთის ფედერაციის ან მისი მოკავშირეების წინააღმდეგ. მესამე შემთხვევაა, თავდასხა კრიტიკულ ინფრასტრუქტურაზე, რის შედეგადაც ჩვენი ბირთვული შემაკავებელი ძალების საქმიანობა პოლარიზდება და მეოთხე - ეს არის აგრესიის აქტი რუსეთისა და მისი მოკავშირეების წინააღმდეგ, რის შემდეგაც საფრთხე ემუქრება ჩვენი ქვეყნის არსებობას“, - განაცხადა მედვედევმა.

ავტორი: ექსპრესნიუსი,

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს