2022-03-22 16:42:53, 968 ნახვა
მსოფლიო
რუსეთის სასამართლომ ალექსეი ნავალნის 9 წლით თავისუფლების აღკვეთა შეუფარდა
რუს ოპოზიციონერს, ალექსეი ნავალნის მოსკოვის სასამართლომ ცხრა წლით თავისუფლების აღკვეთა მიუსაჯა. ამის შესახებ ინფორმაციას რუსული მედია ავრცელებს.
გარდა პატიმრობისა, ოპოზიციონერი სასამართლომ 1,2 მილიონი რუბლის ოდენობით დააჯარიმა.
დღეს, რუსეთის სასამართლომ ოპოზიციონერი ალექსეი ნავალნი თაღლითობაში დამნაშავედ ცნო. პროკურატურა ითხოვდა, რომ მისთვის 13-წლიანი პატიმრობა შეეფარდათ.
აღნიშნულ საქმეზე პროკურატურამ გამოძიება 2020 წლის ბოლოს დაიწყო. გამოძიების მტკიცებით, ალექსეი ნავალნიმ პირადი მიზნებისთვის გამოიყენა 356 მილიონი რუბლი, რომელიც კორუფციასთან ბრძოლისა და სხვა ფონდებში იყო ჩარიცხული
ავტორი: ექსპრესნიუსი,
epn.ge (@expressnews.ge)
