ჩინეთს რომ ცოდნოდა, მოსკოვის გეგმები, უკრაინაზე თავდასხმის შესახებ შეეცდებოდა თავიდან აეცილებინა ეს ტრაგედია. ამ ომის არ მოაქვს სარგებელი.

ამის შესახებ ჩინეთის ელჩმა შეერთებულ შტატებში ქინ განგი Washington Post-ის სტატიაში დაწერა.

„ნება მომეცით განვაცხადო: პრეტენზიები იმის შესახებ, რომ ჩინეთმა იცოდა, დათანხმდა ან ჩუმად უჭერდა მხარს ამ ომს, არის სუფთა დეზინფორმაცია. ყველა ეს პრეტენზია ემსახურება მხოლოდ ჩინეთზე ბრალის გადატანას და ტალახის სროლას“, - წერს ელჩი.

მან აღნიშნა, რომ ჩინეთი არის როგორც რუსეთის, ასევე უკრაინის უმსხვილესი სავაჭრო პარტნიორი, ასევე ნედლი ნავთობისა და ბუნებრივი აირის უდიდესი იმპორტიორი მსოფლიოში. ელჩმა ასევე დასძინა, რომ შეჭრის დროს უკრაინაში 6000-ზე მეტი ჩინეთის მოქალაქე იმყოფებოდა.
"რუსეთსა და უკრაინას შორის კონფლიქტი არ არის კარგი ჩინეთისთვის. ჩინეთს რომ სცოდნოდა გარდაუვალი კრიზისის შესახებ, ჩვენ ყველაფერს გავაკეთებდით ამის თავიდან ასაცილებლად", - წერს ქინ განგი.

ჩინელმა დიპლომატმა ასევე აღნიშნა, რომ ყველა ქვეყნის, მათ შორის უკრაინის სუვერენიტეტი და ტერიტორიული მთლიანობა უნდა იყოს დაცული.

უკრაინასთან დაკავშირებით ჩინეთის პოზიცია ობიექტური და მიუკერძოებელია: აუცილებელია სრულად დაიცვან გაეროს წესდების მიზნები და პრინციპები, ასევე პატივი სცეს ყველა ქვეყნის სუვერენიტეტსა და ტერიტორიულ მთლიანობას, მათ შორის უკრაინას“, - განაცხადა ქინ განგმა.

მან ასევე მოუწოდა არ დააკავშირონ ტაივანი და უკრაინა.

"უკრაინა სუვერენული სახელმწიფოა, ტაივანი კი ჩინეთის ტერიტორიის განუყოფელი ნაწილია. ტაივანის საკითხი ჩინეთის შიდა საქმეა", - განაცხადა ჩინეთის ელჩმა შეერთებულ შტატებში.

მან აღნიშნა, რომ ჩინეთი მხარს უჭერს მშვიდობას უკრაინაში და მზად არის გააკეთოს ყველაფერი, რაც მათ ძალებშია.

„ჩვენი საბოლოო მიზანია ომის დასრულება და რეგიონალური და გლობალური სტაბილურობის შენარჩუნება“, - შეაჯამა ქინ განგმა.

ავტორი: ექსპრესნიუსი,

სოციალური ქსელები

უკრაინამ ევროკავშირის €90-მილიარდიანი სასესხო პაკეტიდან პირველი €3.2 მილიარდი მიიღო

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება