დავით არახამია, რომელიც უკრაინა-რუსეთის მოლაპარაკებებზე უკრაინის მხარეს წარმოადგენს, ქართული რძის ნაწარმის რუსეთში ექსპორტზე გატანას ეხმიაება და აცხადებს, რომ "ასეთი დანის ჩარტყმა უკრაინელების ზურგში არის სირცხვილი".

უკრაინის მმართველი პარტიის, "ხალხის მსახურის" ლიდერი ამბობს, რომ  ყოველთვის ეამაყებოდა, რომ ქართველი იყო, ახლა კი ძალიან რცხვენია. 

"მინდა მივმართო ქართველ ხალხს და უპირველეს ყოვლისა საქართველოს ხელისუფლებას. დღეს ცნობილი გახდა, რომ რუსეთმა მოხსნა ეკონომიკური ბარიერები და სანქციები ქართულ რძეზე, ღვინოზე და ასე შემდეგ. იმისთვის, რომ მოეპოვებინა ქართული მხრის ლოიალობა უკრაინის ომში.
მე მინდა ყველა ქართველს მივმართო - მეც ქართველი ვარ, როდესაც რუსეთი თავს დაესხა საქართველოს, უკრაინა იმ წამსვე ეკონომიკური დანაკარგის გაუთვალისწინებლად, ყველანაირად დაეხმარა საქართველოს, გამოგზავნა სამხედროები, ინსტრუქტორები იმისთვის, რომ დახმარებოდა მოძმე ქვეყანას და ახლა? თქვენ თვლით, რომ რასაც საქართველო აკეთებს, ეს ნორმალურია? მაშინ როდესაც რუსეთი თავს დაესხა უკრაინას. გთხოვთ, ქართველო ხალხო, თქვენი მწამს, გაეცით პასუხი თქვენს ხელისუფლებას, იმიტომ, რომ ასეთი დანის ჩარტყმა უკრაინელების ზურგში არის სირცხვილი. ახლა მე უკრაინის ხელისუფლებაში ვარ. ყოველთვის მეამაყებოდა, რომ ქართველი ვიყავი, ახლა კი ძალიან მრცხვენია!", - განახადა დავით არახამია.

ცნობისთვის, რუსეთი 15 ქართულ კომპანიას უფლებას აძლევს, რუსეთში რძის პროდუქტები შეიტანოს. ამის შესახებ ვეტერინარულმა და ფიტოსანიტარიულმა საზედამხედველო სამსახურის (როსსელხორნადზორმა) ხელმძღვანელის მრჩეველმა, იულია მელანომ განაცხადა. 

ავტორი: ექსპრესნიუსი,

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს