აშშ-ის სახელმწიფო მდივანმა ენტონი ბლინკენმა განაცხადა, რომ დარწმუნებულია უკრაინის გამარჯვებაში რუსეთთან დაპირისპირებაში. მისი თქმით, პუტინი ალბათ არ ელოდა უკრაინელების ასეთ „არაჩვეულებრივ გამძლეობას“.

ამის შესახებ მან BBC-სთან ინტერვიუში ისაუბრა.

„თუ მოსკოვი აპირებს როგორმე ხელისუფლების დამხობას და მისი მარიონეტული რეჟიმის დაყენებას, 45 მილიონი უკრაინელი ასე თუ ისე უარს იტყვის მარიონეტებზე“, - თქვა ბლინკენმა.
ბლინკენი ამბობს, რომ ომი უკვე არ წარიმართა პუტინის გეგმების მიხედვით. უკრაინის ჯარების ძლიერმა წინააღმდეგობამ რუსებს 9 დღის განმავლობაში შეუშალა ხელი ქვეყნის შიგნით გადაადგილებაში.

აშშ-ის სახელმწიფო მდივანმა დაადასტურა, რომ შეერთებული შტატები გააგრძელებს რუსეთზე ზეწოლას საომარი მოქმედებების სრულ შეწყვეტამდე.

კითხვაზე, იყო თუ არა დარწმუნებული, რომ უკრაინა გაიმარჯვებდა, მან უპასუხა: "დროთა განმავლობაში, აუცილებლად": "მე ვერ გეტყვით რამდენ ხანს გაგრძელდება. ვერ გეტყვით, მაგრამ პუტინის გეგმები ჩაიშალა."- ხაზგასმით ამბობს სახელმწიფო მდივანი.

დაიწყო უკრაინელი ხალხის გმირული წინააღმდეგობის მეათე დღე რუსეთის სამხედრო შემოჭრაზე.

დამპყრობელთა ნაწილები და ქვედანაყოფები დემორალიზებულია, საოკუპაციო ჯარის ჯარისკაცები და ოფიცრები აგრძელებენ ჩაბარებას, გაქცევას, უკრაინის მიწაზე იარაღსა და აღჭურვილობას ტოვებენ.

აქტიური საომარი მოქმედებები ზიანს აყენებს მტერს არა მხოლოდ უკრაინელი დამცველების შეიარაღებული ქვედანაყოფების, არამედ რიგითი უიარაღო ადამიანების მიერ, რომლებიც აჩვენებენ თავიანთ სამოქალაქო პოზიციას ოკუპანტს, აყენებენ მას ფსიქოლოგიურ მარცხს.

ავტორი: ექსპრესნიუსი,

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს