ბადრი ჯაფარიძისთვის სადეპუტატო უფლებამოსილების შეწყვეტა არის პირდაპირ პოლიტიკური რეპრესიების და მართლმსაჯულების კიდევ ერთი ძალიან აშკარა მაგალითი, - ამის შესახებ „ნაციონალური მოძრაობის“ ერთ-ერთმა წევრმა, ხატია დეკანოიძემ, პარლამენტის ბიუროს სხდომაზე განაცხადა.

როგორც დეკანოიძემ აღნიშნა, უმრავლესობის გადაწყვეტილება, ჩამოერთვათ ბადრი ჯაფარიძისთვის სადეპუტატო მანდატი, პოლიტიკური ანგარიშსწორების დადასტურებაა.

„არ შემიძლია გუშინდელი ბატონი ირაკლი კობახიძის განცხადებას არ გავუსვა ხაზი, რომელმაც პირდაპირ თქვა, რომ იმ შემთხვევაში, რომ ბადრი ჯაფარიძეს ეღიარებინა დანაშაული, მაშინ მას არ შეუწყდებოდა მანდატი. ეს არის პირდაპირ პოლიტიკური რეპრესიების და პოლიტიკური მართლმსაჯულების კიდევ ერთი ძალიან აშკარა და ღია მაგალითი, იმიტომ რომ, წარმოუდგენელია ასეთი მტკიცებულება წარმოადგინოს პარტიის ლიდერმა,  როდესაც პირდაპირ და ღიად ამბობს ამას ჩვენი კოლეგის მიმართ. სამწუხაროა, რომ ყველამ ერთად დაადასტურეთ, რომ ეს იყო პოლიტიკური ანგარიშსწორება და ხმა მიეცით ბატონი ბადრისთვის მანდატის ჩამორთმევას“, - განაცხადა ხატია დეკანოიძემ.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს