ეროვნული შერიგების პროცესში მთავარი აქცენტი უნდა გაკეთდეს მომავალზე - ამის შესახებ სახალხო დამცველმა ნინო ლომჯარიამ პრეზიდენტთან, სალომე ზურაბიშვილთან შეხვედრამდე განაცხადა.

მისვე თქმით, ომბუდსმენი  პროცესში იმ შემთხვევაში ჩაერთვება თუ პროცესი მიმართული იქნება დემოკრატიული ინსტიტუტების გაძლიერებისკენ და იმ პრობლემების აღიარებისკენ, რასაც დღეს ქართული დემოკრატია აწყდება.

"ჩემი აზრით ამ პროცესში მთავარი აქცენტი უნდა გაკეთდეს მომავალზე. რა თქმა უნდა, წარსულის შეფასება მნიშვნელოვანია, მაგრამ მე ვფიქრობ, რომ ეს პროცესი, მათ შორის წარსულის შეფასება იმას უნდა ემსახურებოდეს, რომ ჩვენ მომავალზე ვკონცენტრირდეთ და ამ პროცესის შეთანხმება კონკრეტულად როგორი სახელმწიფო გვინდა გვქონდეს, როგორი ინსტიტუტები უნდა გქონდეს ქვეყანაში.

ბოლო პერიოდში მე მაინც მესმის პრეზიდენტისგან ის გზავნილები, რომ მთავარი აქცენტი ამ პროცესის იქნება წარსულის ისტორიული შეფასება, ამიტომ მე დღეს მოვედი, რადგან ვნახო რა არის პრეზიდენტის გზავნილი და ხედვა ამ პროცესთან დაკავშირებით და ჩემი პოზიციაც ვთქვა, რომ საკუთარ ჩართულობას ჩემი მანდატიდან გამომდინარე ამ პროცესში ვხედავ, თუ პროცესი მიმართული იქნება დემოკრატიული ინსტიტუტების გაძლიერებისკენ და იმ პრობლემების აღიარებისკენ, რასაც დღეს ქართული დემოკრატია აწყდება და მიმართული იქნება ამ პრობლემების მოგვარების და გამოსავლის ძიებისკენ. თუ იქნება მხოლოდ ისტორიული შეფასება, რა თქმა უნდა, სახალხო დამცველს აქ რაღაც როლი და მანდატი არ აქვს და შესაბამისად, მივიღებ გადაწყვეტილებას. "- ამბობს ნინო ლომჯარია

ავტორი: ექსპრესნიუსი,

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს