მიხეილ სააკაშვილთან მიმართებაში საპარლამენტო კომისიის შექმნის საკითხი არ არის ჩემი გადასაწყვეტი ეს მთლიანად პარლამენტის უფლებამოსილება და მოვალეობაა.- ამის შესახებ საქართველოში აშშ-ის ელჩმა კელი დეგნანმა საპარლამენტო კომისიის შექმნის საკითხზე საუბრისას განაცხადა.

ელჩის თქმით, სააკაშვილის მიმართ  სათანადო მოპყრობა უნდა განხორციელდეს და სათანადო სამედიცინო დახმარების გაწევა მოხდეს.

"მიხეილ სააკაშვილთან მიმართებაში საპარლამენტო კომისიის შექმნის საკითხი არ არის ჩემი გადასაწყვეტი. არსებობს შესაბამისი წესები და პროცედურები კომისიის შექმნის და ეს არის პარლამენტის უფლებამოსილება. რაც შეეხება მართლმსაჯულებას მიხეილ სააკაშვილთან მიმართებაში, ამაზე ვერ ვისაუბრებ, მაგრამ როგორც ვიცი, მიხეილ სააკაშვილმა საჩივარი გააგზავნა ადამიანის უფლებათა სასამართლოში და არსებობს შესაბამისი პროცედურები, რომლის მიხედვითაც ეს საკითხები განიხილება.

რაც შეეხება კანონის უზენაესობას და კანონთან შესაბამისობას. ჩვენი პოზიციაა, რომ მის მიმართ უნდა განხორციელდეს სათანადო მოპყრობა, მოხდეს სათანადო სამედიცინო დახმარების გაწევა, თუ ამის საჭიროებაა და ასევე ჰქონდეს შესაძლებლობა, ისარგებლოს სამართლიანი სასამართლოს პრინციპით",- აცხადებს კელი დეგნანი. 

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს