პარტია "გირჩი – მეტი თავისუფლების" ლიდერი ზურაბ ჯაფარიძე საქართველოს პრემიერ–მინისტრ ირაკლი ღარიბაშვილს უკრაინაში ჩასვლისკენ და სოლიდარობის გამოცხადებისკენ მოუწოდებს.

როგორც ჯაფარიძე სოციალურ ქსელში გამოქვეყნებულ პოსტში წერს, ირაკლი ღარიბაშვილს, მიუხედავად ყველაფრისა, ისტორიული შანსი აქვს გამოჩნდეს როგორც ღირსებისა და ღირებულებების მქონე ლიდერი. 

ამასთანავე, ჯაფარიძე აღნიშნავს, რომ ჩირგვში გასუსული ჯდომა არაა პოლიტიკა.

"გერბზე რომ გვიწერია 'ძალა ერთობაშია', ეგ მარტო ჯოკერში 'პარა-პარაზე' ვრცელდება?

ჩადი უკრაინაში, მხარდაჭერა გამოუცხადე და თქვი რომ დღეს იქ იგივე ხდება რაც 2008-ში აქ მოხდა

მიუხედავად ყველაფრისა ისტორიული შანსი გაქვს გამოჩნდე როგორც ღირსების და ღირებულებების მქონე ლიდერი

და ამ ქვეყანასაც დაუბრუნო ღირსება და ადგილი პოლიტიკურ რუკაზე

მერე, როცა ჩახვალ ვაშინგტონში ან ბრიუსელში, ნახავ როგორ ხვდებიან ღირსების მქონე ქვეყნის წარმომადგენელს

განსხვავებას იგრძნობ დამოკიდებულებაში

ან შენს შემდეგ ვინც იქნება, ის ნახავს

მთელი ცხოვრება პოლიტიკოსობაზე ვოცნებობდიო და ესაა პოლიტიკა

ჩირგვში გასუსული ჯდომა არაა პოლიტიკა და ჩვენთვის რომ საზიანოა ამის ახსნას არ დავიწყებ, აზრი არ აქვს", – წერს ზურაბ გირჩი ჯაფარიძე. 

ავტორი: ექსპრესნიუსი,

სოციალური ქსელები

ჯაფარიძე - დასავლეთი ელოდება ჩვენგან რომ შევძლებთ ოლიგარქიის დასრულებას

ჩრდ. კორეა - მსოფლიოდან მომავალი საფრთხის ფონზე ქვეყნის თავდაცვის გაძლიერება აუცილებელია

იტალიის საგარეო - ომის დიპლომატიურად დასრულების ყველა მცდელობა პუტინის გამო ჩაიშალა

თანასწორობის მოძრაობა ხელისუფლებას - არ დაუშვათ 2021 წლის 5 ივლისის ორგანიზებული ძალადობის გამეორება