საქართველოს მესამე პრეზიდენტთან, მიხეილ სააკაშვილთან შესახვედრად რუსთავის მე–12 პენიტენციურ დაწესებულებაში მისი უფლებადამცველი, დიმიტრი საძაგლიშვილი მივიდა.

როგორც ადვოკატმა ექს–პრეზიდენტთან შეხვედრამდე ჟურნალისტებს განუცხადა, არსებობს ყველა წინაპირობა, რომ მიხეილ სააკაშვილს დაზარალებულის სტატუსი მიენიჭოს, თუმცა აქვე დასძინა, რომ დარწმუნებულია, უწყება ამას არ იზამს.

"ჩვენ მოვითხოვეთ დაზარალებულის სტატუსი პროკურატურისგან და არსებობს ყველა წინაპირობა, რომ მოგვენიჭოს ეს სტატუსი, შესაბამისად, ჩვენ გავაგრძელებთ ამ მიმართულებით მუშაობას და გავივლით ყველა იმ სამართლებრივ ნაბიჯს, რაც დაზარალებულის ცნობასთან დაკავშირებით არსებობს კანონმდებლობით, კანონმდებლობაში. 

მართალია ჩვენ არ გვჯერა საგამოძიებო ორგანოს, ამ შემთხვევაში პროკურატურის დამოუკიდებლობის, ან სასამართლოსი და არ ვცხოვრობთ ილუზიებში, ერთადერთი ორგანო, რომელმაც გამოავლინა კანონისადმი ერთგულება და არა ივანიშვილისადმი ერთგულება, სახელმწიფო ინსპექტორის სამსახური იყო, რომელიც 2 დღეში გააუქმეს და ცხადია, ამას მომავალში ასე მარტივად ვერავინ გაბედავს. 

თითქმის დარწმუნებული ვარ, რომ პროკურატურა არ მიანიჭებს მიხეილ სააკაშვილს დაზარალებულის სტატუსს და გამიხარდება თუკი შევცდები. თუმცა ეს არ ნიშნავს, რომ ჩვენ არ უნდა მოვითხოვოთ, ან არ უნდა გავასაჩივროთ უკანონო გადაწყვეტილება", – განაცხადა ადვოკატმა. 

ავტორი: ექსპრესნიუსი,

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს