საქართველოს მესამე პრეზიდენტის 6 იანვრამდე დათქმული ულტიმატუმის ვადა ამოიწურა. ადვოკატის ინფორმაციით,  ექსპრეზიდენტმა ულტიმატუმის ვადა იანვრის თვის ბოლომდე გადაწია.

უფლებადამცველის თქმით,  თუ იანვრის თვეში სააკაშვილის მოთხოვნები არ დაკმაყოფილდება ის პროტესტის უკიდურეს ზომებს მიმართავს.

„მიხეილ სააკაშვილის პოზიციაა, რომ თუ მისი მოთხოვნები არ დაკმაყოფილდება და არ გაეწევა ადეკვატური სამედიცინო დახმარება იანვრის თვის ბოლომდე, მიმართავს პროტესტის უკიდურეს ფორმებს. უკიდურეს ფორმას შეიძლება მოიცავდეს მათ შორის შიმშილობა, მაგრამ სხვა ფორმებით გამოხატვაც შეიძლება. მისი აზრით, ამ სიტუაციაში ეს პირობა არის უფრო მისაღები და ეფექტური მიზნით მისაღწევად. 

მე არ მახსოვს არცერთი შეუსრულებელი და დარღვეული ულტიმატუმი ან დაპირება მიხეილ სააკაშვილის მხრიდან. განსხვავებით იმ ადამიანებისგან, რომლებიც ყოველდღე ტყუილს იძახიან იუსტიციის სამინისტროს შენობიდან და პრემიერ მინისტრის პოზიციიდან. ჩაკეტილები არიან თავიანთ სასახლეში და ჭორაობენ მიხეილ სააკაშვილზე და გაურბიან მასზე ობიექტური სასამართლოს ჩატარებას. დარწმუნებული ვარ, ქართველი ხალხი ძალიან სერიოზულად აღიქვამს მის თითოეულ განცხადებას თუ მოსაზრებას. სერიოზულობის აღქმის პრობლემა თუ ვინმეს აქვს ეს საქართველოს ხელისუფლებაა ამჯამინდელი და არა მიხეილ სააკაშვილი.”, - განაცხადა შოთა თუთბერიძემ.

ცნობისთვის, ექს-პრეზიდენტი მოითხოვს, რომ დამოუკიდებელ ექიმთა ჯგუფის მისი მონახულების ნებართვა მიეცეს და კონფიდენციალურობის დაცვით აღუდგეს კომუნიკაციის საშუალება.

ავტორი: ექსპრესნიუსი,

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს