2021-12-30 11:50:17, 730 ნახვა
პოლიტიკა
ირაკლი ზარქუა - მიხეილ სააკაშვილი თუ დაიწყებს შიმშილობას, არა უშავს, ექიმები მიხედავენ
საპარლამენტო უმრავლესობის დეპუტატი ირაკლი ზარქუა აცხადებს, რომ საქართველოს მესამე პრეზიდენტი, მიხეილ სააკაშვილი გორის სამხედრო ჰოსპიტალიდან რუსთავის მე-12 პენიტენციურ დაწესებულებაში გადაყვანას ექვემდებარებოდა.
ზარქუას თქმით, თუ მიხეილ სააკაშვილი კვლავ დაიწყებს შიმშილობას, მას ექიმები მიხედავენ და გამოაჯანმრთელებენ.
"პატიმარი სააკაშვილია არის ჯანმრთელი, შესაბამისად ის ექვემდებარებოდა უკან რუსთავის მეთორმეტე პენიტენციურ დაწესებულებაში დაბრუნებას. სააკაშვილი თუ დაიწყებს შიმშილობას, არა უშავს ექიმები არიან, მიხედავენ, როგორც წინა შემთხვევაში და მე მგონი, გამოაჯანმრთელებენ", - განაცხადა ირაკლი ზარქუამ.
ავტორი: ექსპრესნიუსი,
epn.ge (@expressnews.ge)
