2021-12-30 10:11:30, 769 ნახვა
პოლიტიკა
რუსთავის ციხის ტერიტორიაზე სპეცრაზმი და წყლის ჭავლის მანქანაა მობილიზებული
რუსთავის მე-12 სასჯელაღსრულების დაწესებულების ტერიტორიაზე, სადაც მიხეილ სააკაშვილი გადაიყვანეს, სამართალდამცველების განსაკუთრებული მობილიზებაა. ადგილზე ასევე სპეცრაზმი და წყლის ჭავლის მანქანები შეიყვანეს.
ციხისთან მიხეილ სააკაშვილის მხარდამჭერები და სამოქალაქო აქტივისტები არიან შეკრებილი.
არსებული ინფორმაციით, მიხეილ სააკაშვილი გორის სამხედრო ჰოსპიტლიდან რუსთავის მე-12 პენიტენციურ დაწესებულებაში გვიან ღამით გადაიყვანეს. აღნიშნული ინფორმაცია ნიმა გვარამიამ გაავრცელა.
ავტორი: ექსპრესნიუსი,
epn.ge (@expressnews.ge)
