ევროპის საბჭოს საპარლამენტო ასამბლეის დამკვირვებლები, ტიტუს კორლატენი და კლოდ კერნი, მოუწოდებენ საქართველოში არსებულ ყველა პოლიტიკურ ძალას, დაძლიონ უკიდურესად პოლარიზებული პოლიტიკური კლიმატი.

„პოლარიზაცია ძირს უთხრის ქვეყნის პოლიტიკურ სტაბილურობას და დემოკრატიულ კონსოლიდაციას, რაც საქართველოს მიერ წლების განმავლობაში მიღწეულ პროგრეს, საფრთხეს უქმნის“, – აცხადებენ დამკვირვებლები.

მომხსენებლები აღნიშნავენ, რომ 2021 წლის ოქტომბრის ადგილობრივი თვითმმართველობის არჩევნებზე გამოვლინდა ამომრჩევლებზე ზეწოლის, ასევე ძალადობის შემთხვევები.

დამკვივრვებლებმა ყურადღება გაამახვილეს უმცირესობათა თემაზეც და მოუწოდეს ხელისუფლებას, დასაჯონ 5 ივლისის ძალადობის ორგანიზატორები და ძალები, რომლებიც მათ მხარს უჭერდნენ.

„მომხსენებლებმა გამოთქვეს შეშფოთება ლგბტ თემის მიმართ ჰომოფობიისა და შეუწყნარებლობის მზარდი საჯარო გამოხატვის გამო. ამ კონტექსტში მათ დაგმეს ძალადობრივი თავდასხმები და კონტრდემონსტრაციები, რომლებიც მოხდა პრაიდის კვირეულზე 2021 წლის ივლისში. მომხსენებლებმა მოუწოდეს ხელისუფლებას, სრულად გამოიძიონ ეს ძალადობრივი ქმედებები და დამნაშავეები დაისაჯონ, მათ შორის ამ ძალადობრივი ქმედებების ორგანიზატორები და ის ძალები, რომლებიც მათ მხარს უჭერს“, – ნათქვამია მომხსენებელთა განცხადებაში.

ავტორი: ექსპრესნიუსი,

სოციალური ქსელები

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს