|
2015-02-03 13:02:31, 1938 ნახვა
პოლიტიკა
კოტე კუბლაშვილი პრეზიდენტს უზენაესი სასამართლოს თავჯდომარეობის კანდიდატურას არ შესთავაზებს
„უკეთესია პრეზიდენტმა უზენაესი სასამართლოს თავჯდომარეობის კანდიდატურა იმ დროს დაასახელოს, როცა ჩემს უფლებამოსილებასა და ახალი თავჯდომარის უფლებამოსილებას შორის დიდი წყვეტა არ იქნება“, – ამის შესახებ უზენაესი სასამართლოს თავჯდომარემ კოტე კუბლაშვილმა ჟურნალისტებს განუცხადა. მისივე თქმით, თავად პრეზიდენტისთვის უზენაესი სასამართლოს თავჯდომარეობის კანდიდატის შეთავაზებას არ გეგმავს. „არც ერთ კანდიდატურაზე არ მინდა წინასწარ ჩემი კომენტარი გავაკეთო. საბოლოო ჯამში, ეს ყველაფერი პრეზიდენტის გადასაწყვეტია. რა პროცედურებიც ახლა მიმდინარეობს, ამის უფლება აქვს პრეზიდენტს, თუმცა, ასევე უფლება ჰქონდა, რომ ამის გარეშეც, საკუთარი ადმინისტრაციის დახმარებით შეერჩია ერთ–ერთი კანდიდატი. ასე რომ, დაველოდოთ. ვადები განსაზღვრული არ არის, მას შეუძლია კანდიდატი ახლა დაასახელოს, ასევე 1, ან 2 თვის შემდეგ. ვადები არსად წერია, თუმცა, უკეთესია იმ დროს დაასახელოს, როცა ჩემს უფლებამოსილებასა და ახალი თავჯდომარის უფლებამოსილებას შორის დიდი წყვეტა არ იქნება. მე კანდიდატურის წარდგენის ინიციატივა არ მაქვს“, – აღნიშნა კუბლაშვილმა. უზენაესი სასამართლოს თავჯდომარე კოტე კუბლაშვილი ამწუთებში ლიტვისა და ლატვიის უზენაესი სასამართლოს დელეგაციის წარმომადგენლებს ხვდება. შეხვედრას, რომელიც უზენაესი სასამართლოში იმართება, უზენაესი სასამართლოს თავმჯდომარის პირველი მოადგილე ზაზა მეიშვილი, მოსამართლეთა ასოციაციის წევრები, ლიტვის უზენაესი სასამართლოს თავმჯდომარე რიმვიდას ნორკუსი და ლატვიის უზენაესი სასამართლოს თავმჯდომარე ივარს ბიშკოვიცი ესწრებიან. დელეგაციის წევრები ქართული სასამართლო სისტემის მოდელსა და მოწყობის ძირითად პრინციპებს ეცნობიან. შეხვედრის მიზანია, ამ ქვეყნებს შორის ურთიერთთანამშრომლობის გაღრმავება და გამოცდილების გაზიარება. უცხოელი მოსამართლეები თბილისის საქალაქო, მცხეთისა და სიღნაღის რაიონულ სასამართლოებს მოინახულებენ.ასევე, იუსტიციის უმაღლესი სკოლის ახალ შენობას ეწვევიან. დელეგაციის ვიზიტი 6 თებერვალს დასრულდება.
ტრამპმა განაცხადა, რომ FBI-ზე კიბერშეტევა შესაძლოა აშშ-სთვის სასარგებლო იყოს
მეუფე იობი: პატრიარქი კირილი არის მაკურთხებელი ომის და სისხლისღვრის
გალუზინი- შეთანხმდა, რომ რუსეთ-საქართველოს პირდაპირი დიალოგი ახალი ფორმატით და რეგულარულად დამყარდება
მეუფე იობი ოცნებაზე - რომ დავინახე, გადაუხვიეს და სხვა მდგომარეობა შეიქმნა, უკვე მხილება იყო საჭირო
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
მათ ალყა გაარღვიეს და 14 სოფელი დაიბრუნეს, უკრაინელმა სამხედროებმა გაასაჯაროეს ოპერაცია „დათვების ხაფანგის“ ქრონიკა
კრივოი როგი რუსმა ოკუპანტებმა დაბომბეს, 58 ადამიანი დაიჭრა და ორი დაიღუპა, მათ შორის ბავშვებიც არიან
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



