2021-10-21 14:45:35, 3110 ნახვა

---

ეკატერინე ტიკარაძე - სააკაშვილის მდგომარეობა დამაკმაყოფილებელია, ამ ეტაპზე კლინიკაში გადაყვანას არ საჭიროებს

ჯანდაცვის მინისტრი ეკატერინე ტიკარაძე აცხადებს, რომ საქართველოს მესამე პრეზიდენტის, მიხეილ სააკაშვილის ჯანმრთელობის მდგომარეობა, ამ ეტაპისთვის, სტაბილურია.

როგორც ტიკარაძემ ჟურნალისტებთან საუბრისას განაცხადა, მიხეილ სააკაშვილი ამ ეტაპისთვის კლინიკაში გადაყვანას არ საჭიროებს.

„პაციენტის მდგომარეობა ამ ეტაპისთვის სტაბილურია. თქვენ იცით, რომ მე ვეწინააღმდეგები პაციენტის ინფორმაციის გაცემას, ვინაიდან ეს ეთიკის ნორმებს არ შეესაბამება. მას აქვს საკმაოდ დამაკმაყოფილებელი მდგომარეობა. ამ ეტაპისთვის ის კლინიკაში გადაყვანას არ საჭიროებს, თუმცა, პენიტენციური სამსახურის სამედიცინო პერსონალის მხრიდან უზრუნველყოფილია ყველა ის საჭირო ინსტრუმენტული კვლევა და მედიკამენტოზური დახმარება, რომელსაც პაციენტი ამ ეტაპისთვის საჭიროებს“, - განაცხადა ტიკარაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი