2 ოქტომბრის თვითმმართველობის არჩევნები შედგა, - ამის შესახებ ცენტრალური საარჩევნო კომისიის სპიკერმა, ნათია იოსელიანმა ცესკო-ში გამართულ ბრიფინგზე განაცხადა.

იოსელიანის განცხადებით, შემაჯამებელ ოქმებში ე.წ დისბალანსი, მანიპულირების თემაა სხვადასხვა ჩართული მხარეებისთვის, რაც მისივე თქმით, მიუღებელია.

„2 ოქტომბრის თვითმმართველობის არჩევნები შედგა. ცენტრალურმა საარჩევნო კომისიამ საჯაროდ წარმართა ყველა საარჩევნო პროცესი, მათ შორის ხმის დათვლის პროცედურები, რომელსაც უნდა აღინიშნოს, რომ აღბეჭდავდა სპეციალური ვიდეოკამერები. ამ პროცესს აკვირდებოდნენ დამკვირვებლები, საარჩევნო სუბიექტის წარმომადგენლები და მედია. ცესკოში არჩევნების წინასწარი შედეგების შეჯამების პროცესზე დაკვირვება პირდაპირი ტრანსლირების საშუალებით ყველა დაინტერესებული პირისთვის იყო ხელმისაწვდომი,

თუმცა, საუბნო საარჩევნო კომისიების შემაჯამებელ ოქმებში ე.წ დისბალანსი, როგორც გასულ წლებში, ახლაც ხდება მანიპულირების თემა სხვადასხვა ჩართული მხარისთვის. საარჩევნო ადმინისტრაცია ცალსახად აცხადებს, რომ წელს არა ერთი ბერკეტი არსებობს, თითოეული მონაცემის დეტალურად შესამოწმებლად და აღნიშნული საკითხით მანიპულირება მიუღებელია“, - განაცხადა იოსელიანმა.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის