ცესკოს წინასწარი მონაცემებით, ყველა თვითმმართველ ქალაქში მეორე ტური გაიმართება

2021-10-03 13:16:10, 717 ნახვა

პოლიტიკა

ცესკომ ბათუმში სულ არსებული 105 საარჩევნო უბნიდან მონაცემები დათვალა 44 უბანში, რის მიხედვითაც "ერთიანი ნაციონალური მოძრაობის" ბათუმის მერობის კანდიდატმა გიორგი კირთაძემ 42,38 % მიიღო, რაც 11956 ხმაა, "ქართული ოცნების" ბათუმის მერობის კანდიდატმა არჩილ ჩიქოვანმა 41,23% მიიღო რაც 11632 ხმაა. ცესკოს წინასწარი მონაცემებით, ბათუმში მეორე ტური გაიმართება.
ცესკოს მონაცემებით ქუთაისში სულ 124 საარჩევნო უბნიდან მონაცემები დათვლილია 59 უბანში სადაც "ერთიანი ნაციონალური მოძრაობის" მერობის კანდიდატი ხატია დეკანოიძე 43, 88 % -ით იმარჯვებს, რაც 12797 ხმაა "ქართული ოცნების" კანდიდატს, იოსებ ხახალეიშვილს მიღებული აქვს 41,42 % რაც 12080 ხმაა.
ფოთში სულ 33 საარჩევნო უბნიდან მონაცემები დათვლილია 20 უბანზე რის მიხედვითაც "ევროპული საქართველოს" მერობის კანდიდატმა გიგი უგულავამ 36,97% მიიღო რაც 4282 ხმაა ხოლო "ქართული ოცნების" მერობის კანდიდატმა ბექა ვაჭარაძემ 48,11 რაც 5573 ხმაა.
რუსთავში სულ 88 საარჩევნო უბნიდან მონაცემები დათვლილია 57 უბანში, "ერთიანი ნაციონალური მოძრაობის" რუსთავის მერობის კანდიდატმა დავით კირკიტაძემ 43,91% მიიღო რაც 13708 ხმაა. "ქართული ოცნების" მერობის კანდიდატმა ნინო ლაცაბიძემ 44,67 % მიიღო რაც 13944 ხმაა.
ცესკოს მიერ, გამოქვეყნებული ამ მონაცემების მიხედვით ყველა თვითმართველ ქალაქში მეორე ტური გაიმართება.