ამ ვითარებაში, როდესაც შემოვიტანეთ 2 მილიონ დოზაზე მეტი ვაქცინა, აბსოლუტურად გაუმართელებელია ქვეყნის ხელახლა ჩაკეტვა, - ამის შესახებ პრემიერ-მინისტრმა ირაკლი ღარიბაშვილმა განაცხადა.

„ჩვენ გადავწყვიტეთ მყარად და ვთქვით, რომ ამ ვითარებაში, როდესაც ქვეყანამ შემოიტანა 2 მილიონ დოზაზე მეტი ვაქცინა, ჯამში ერთ თვეში ჩვენ გვექნება მთლიანობაში 3 მილიონზე მეტი ვაქცინა, აბსოლუტურად გაუმართლებელია ქვეყნის ხელახლა ჩაკეტვა. ჩვენ ეკონომიკას არ შევაჩერებთ, ეს არის მცდარი გზა. ვაქცინაცია პირდაპირ უკავშირდება ჩვენი ქვეყნის მაღალ ეკონომიკურ ზრდას“, -განაცხადა ღარიბაშვილმა.

მისივე თქმით, მთავრობის ამოცანაა, მომდევნო 2-3 თვის განმავლობაში სამი მილიონი აცრის ჩატარება, რათა ქვეყანამ შეინარჩუნოს მაღალი ეკონომიკური ზრდა.

„ბოლო დღეების განმავლობაში გვაქვს ტემპის მატება ვაქცინაციის მიმართულებით. გუშინ გვქონდა 20 000 აცრა, მაგრამ ეს არ არის საკმარისი, უნდა გავაკეთოთ კიდევ უფრო მეტი აცრა ყოველდღიურად, იმისთვის, რომ მიზნობრივ მაჩვენებელს მივაღწიოთ. ჩვენი ამოცანა მომდევნო 2-3 თვის განმავლობაში სამი მილიონი აცრის ჩატარებაა, რაც მოგვცემს საშუალებას, მაღალი ეკონომიკური ზრდის მაჩვენებელი შევინარჩუნოთ ქვეყანაში, არ გავაჩეროთ, არ დავკეტოთ ქვეყანა ხელმეორედ და ის მძიმე შედეგები არ გამოვიწვიოთ ხელმეორედ, რაც იყო გასულ წელს“, - დასძინა ღარიბაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

უცხოელებს კურიერებად და ტაქსის მძღოლებად მუშაობა აღარ შეეძლებათ - მთავრობამ ნულოვანი კვოტა განსაზღვრა

ბათუმის ერთ-ერთ კლინიკაში დედამ ახალშობილის მოკვლა სცადა, დაწყებულია გამოძიება

უნგრეთი ამბობს, რომ EU-ის მიერ რუსეთის წინააღმდეგ სანქციების მე-20 პაკეტს დაბლოკავს

BBC: ძალადობრივი დარბევების შემდეგ, ირანში სტუდენტებმა აქციების ახალი ტალღა დაიწყეს