2021-07-15 22:28:02, 3276 ნახვა

---

სენატორი ბენ კარდინი - 5 ივლისს, პრაიდის მშვიდობიან დემონსტრანტებზე თავდასხმა წახალისებული იყო „ქართული ოცნების“ ლიდერების მიერ

„5 ივლისს, პრაიდის მშვიდობიან დემონსტრანტებზე თავდასხმა წახალისებული იყო „ქართული ოცნების“ ლიდერების მიერ“, - ამის შესახებ ჰელსინკის კომისიის თავმჯდომარემ, სენატორმა ბენ კარდინმა „ამერიკის ხმასთან“ განაცხადა.

მან ასევე აღნიშნა, რომ სამარცხვინოა, როცა „ქართული ოცნების“ ლიდერები ყურადღების გადატანას პროფესიონალი ჟურნალისტების დაგმობით ცდილობენ.

„5 ივლისს, პრაიდის მშვიდობიან დემონსტრანტებზე თავდასხმას, რადიკალური მემარჯვენე ელემენტების მხრიდან, რომელიც წახალისებული იყო ქართული ოცნების ლიდერების მიერ, ჟურნალისტებზე ძალადობა მოჰყვა, რომლებიც დაპირისპირებას აშუქებდნენ.

ამ ჰომოფობიური ძალადობის შემოქმედებს, ისევე როგორც მათ, ვინც პასუხისმგებელია ოპერატორ ალექსანდრე ლაშქარავას სიკვდილზე, სისხლის სამართლის პასუხისმგებლობა უნდა დაეკისროთ.

სამარცხვინოა, რომ ქართული ოცნების ლიდერები ყურადღების გადატანას იმ პროფესიონალი ჟურნალისტების დაგმობით ცდილობენ, რომლებიც მხოლოდ თავიანთ საქმეს ასრულებდნენ“, -განაცხადა სენატორმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი