დაავადებათა კონტროლის ეროვნული ცენტრის ხელმძღვანელი ამირან გამყრელიძის განცხადებით, საქართველოში დღევანდელი ეპიდვითარება ძალიან საყურადღებო და საგანგაშოა.

როგორც ამირან გამყრელიძემ საკოორდინაციო საბჭოს დასრულების შემდეგ, ბრიფინგზე განაცხადა, შემთხვევების მატების გამო დაწოლა ჯანაცვის სისტემაზე უფრო სერიოზულია. 50-70-80%-ში, ბოლო მონაცემებით, ძირითადი წამყვანი არის ე.წ ბრიტანული შტამი.

„ეპიდსიტუაცია სერიოზულად დაძაბული რჩება, განსაკუთრებით იძაბება ჩვენს ირგვლივ, გუშინ თურქეთმა სერიოზული „ლოქდაუნი“ გამოაცხადა, ასევე შემთხვევათა მატებაა ჩვენს მომიჯნავე ქვეყნებში, აქედან გამომდინარე ვხედავთ, რომ ჩვენთანაც შემთხვევების მატებაა.

დილისთვის გვაქვს ცოტა ნაკლები, ვიდრე გუშინ იყო შემთხვევა, მაგრამ 1 000-ზე ზემოთ ვართ და პირველადაა, რომ ეს ორი დღე 1 000-ს ავცდით, ამიტომ ეს ძალიან საყურადღებო და საგანგაშოა.

შემთხვევების მატების გამო დაწოლა ჯანაცვის სისტემაზე უფრო სერიოზულია. 50-70-80%-ში, ბოლო მონაცემებით, ძირითადი წამყვანი არის ე.წ ბრიტანული შტამი, რაც ქვეყანაში ცირკულირებს და ერთ-ერთი მიზეზი ესეც არის, სხვა იმ მიზეზებს შორის, რომელიც პროგნოზირებადი იყო, შემსუბუქებების ეტაპზე, რომ იქნებოდა ზრდა, მაგრამ ჩვენი მთავარი ამოცანაა, რომ როგორმე ეს ზრდა იყოს მართვადი და იყოს იმ ფარგლებში, რომ შედარებით ადვილად იმართოს“, - განაცხადა ამირან გამყრელიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა