|
2015-01-31 10:27:28, 2011 ნახვა
პოლიტიკა
ირაკლი ალასანია: ივანიშვილის განცხადებაზე პუტინის რუსეთი გამახსენდა
„თავისუფალი დემოკრატების“ ლიდერის ირაკლი ალასანის განცხადებით, არასამთავრობო ორგანიზაციებთან დაკავშირებით ექს-პრემიერის ბიძინა ივანიშვილის განცხადებამ პუტინის რუსეთი გაახსენა. ამის შესახებ ალასანიამ "იმედის" ეთერში, გადაცემა „რეაქციაში“ განაცხადა. "მთავარი, რაც მე ყურში მომხვდა იყო ის, რაც მან თქვა არასამთავრობო ორგანიზაციების ხელმძღვანელებზე. ჩამოთვალა გვარები, რომ მათ შესწავლას აპირებს. პირდაპირ გამახსენდა პუტინის რუსეთი, როდესაც იერიშის მიტანა რუსეთში დაიწყო სწორედ იმ არასამთავრობო სექტორის წარმომადგენლებზე, რომლებზეც დგას რეალურად განვითარება, დემოკრატიული საზოგადოება დგას. ერთის მხრივ, საუბრობს, რომ ის გადავიდა საზოგადოებრივ სარბიელზე, რომ აქედან გასწიოს საზოგადოებრივი კონტროლი და სინამდვილეში იმას სპობს და იმას ურტყამს, რაზეც დგას ზოგადად, საზოგადოებრივი კონტროლი“,-განაცხადა ალასანიამ. ალასანიას თქმით, დამაფიქრებელია ის ფაქტი, რომ ივანიშვილს ერთი სიტყვაც კი არ უხსენებია იმ ორგანიზაციებზე, რომლებიც „ სოკოებივით ამოიზარდა“ რუსეთის დაფინანსებით. ამასთან, ალასანიამ აღნიშნა, რომ ივანიშვილის ინტერვიუში ჭარბად იყო არასერიოზული განცხადებები ლართან და ეკონომიკასთან დაკავშირებით. „საერთოდ არა აქვს წარმოდგენა რამდენ ადამიანს აქვს კრედიტი აღებული სწორედ უცხოურ ვალუტაში დოლარში და რამდენი ათასობით ჩვენი მოქალაქე დღითიდღე ღატაკდებოდა, როდესაც არ ერეოდა სახელმწიფო შესაბამისად, რომ დაეჭირათ ეკონომიკური სტაბილურობა საქართველოში“,-განაცხადა ირაკლი ალასანიამ.
ტრამპმა განაცხადა, რომ FBI-ზე კიბერშეტევა შესაძლოა აშშ-სთვის სასარგებლო იყოს
მეუფე იობი: პატრიარქი კირილი არის მაკურთხებელი ომის და სისხლისღვრის
გალუზინი- შეთანხმდა, რომ რუსეთ-საქართველოს პირდაპირი დიალოგი ახალი ფორმატით და რეგულარულად დამყარდება
მეუფე იობი ოცნებაზე - რომ დავინახე, გადაუხვიეს და სხვა მდგომარეობა შეიქმნა, უკვე მხილება იყო საჭირო
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
მათ ალყა გაარღვიეს და 14 სოფელი დაიბრუნეს, უკრაინელმა სამხედროებმა გაასაჯაროეს ოპერაცია „დათვების ხაფანგის“ ქრონიკა
კრივოი როგი რუსმა ოკუპანტებმა დაბომბეს, 58 ადამიანი დაიჭრა და ორი დაიღუპა, მათ შორის ბავშვებიც არიან
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



