თბილისში, 10 იანვარს ახალი პოლიტიკურ-საზოგადოებრივი კოალიცია სლოგანით: „აბა ჰე, აბა, ჰო!“ დაფუძნდება, რომლის სახელწოდებაც სავარაუდოდ, „გაბრაზებული მოქალაქე“ იქნება.

ამის შესახებ გაზეთი „ქრონიკა“ წერს.

როგორც მოძრაობის ერთ-ერთი დამფუძნებელი გია კორკოტაშვილი აცხადებს, ეს იქნება გაერთიანება, რომელიც 2016 წლის საპარლამენტო არჩევნებშიც მიიღებს მონაწილეობას.

„საზოგადოება უკვე დამუხტულია და ეს მუხტი საზოგადოებამ უნდა გამოუშვას. უარყოფით ენერგიას უნდა განეიტრალება, რათა დიდი უარყოფითი შედეგები არ მივიღოთ. ორი წლის თავზე „ოცნება“ ძალიან დაბნეულია, „ოცნება“ ჰქვია ძალიან ბევრ რაღაცას, ამ სახელწოდების ქვეშ ძალიან ბევრი ადამიანი გაერთიანდა და უამრავი ადამიანი როგორც უნდა, ისე სარგებლობს, მაგრამ ბოლოს ჯოხი მაინც ბიძინა ივანიშვილზე ტყდება.
ესე იგი, ბიძინა არის გუნდის მწვრთნელი, ასევე მოთამაშე-მწვრთნელი და მოთამაშეც. მოკლედ, გარედან ჩანს ასე“,-განაცხადა კორკოტაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში