2021-03-25 19:39:55, 1113 ნახვა

---

ანგელა მერკელი - ბრიტანეთის საწარმოები ვაქცინის დოზებს ბრიტანეთისთვის ამზადებენ, ამიტომ აუცილებელია ევროპაში ვაქცინის წარმოების გაზრდა

„ბრიტანეთის საწარმოები ვაქცინის დოზებს ბრიტანეთისთვის ამზადებენ, ამიტომ აუცილებელია ევროპაში ვაქცინის წარმოების გაზრდა“, - ამის შესახებ გერმანიის კანცლერმა ანგელა მერკელმა განაცხადა.

მან ასევე აღნიშნა, რომ ვაქცინის წარმოების გაზრდის აუცილებლობა ევროკავშირში ვაქცინაციის პროცესის ხარვეზებმაც აჩვენა.

„ევროკავშირში ვაქცინაციის პროცესში არსებულმა ხარვეზმა გვაჩვენა, რომ აუცილებელია ევროპაში ვაქცინის წარმოების გაზრდა.

ნათლად შეგვიძლია იმის დანახვა, რომ ბრიტანეთის საწარმოები ვაქცინის დოზებს ბრიტანეთისთვის ამზადებენ.

ამერიკის შეერთებული შტატები ექსპორტს არ ახორციელებს და ჩვენ დამოკიდებული ვართ იმაზე, რისი წარმოებაც ევროპაში მოხდება“, – განაცხადა ანგელა მერკელმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი