2021-03-20 20:13:11, 746 ნახვა

---

გიორგი მარგველაშვილი : საჭიროა ალტერნატიული ძალის გამოჩენა პოლიტიკურ ველზე - მე კი ამ ბრძოლაში ვიქნები რიგითი ჯარისკაცი

„საჭიროა ალტერნატიული ძალის გამოჩენა პოლიტიკურ ველზე - მე კი ამ ბრძოლაში ვიქნები რიგითი ჯარისკაცი“, - ამის შესახებ საქართველოს ყოფილმა პრეზიდენტმა გიორგი მარგველაშვილმა ტელეკომპანია „მთავარი არხის“ ეთერში განაცხადა.

მან ასევე აღნიშნა, რომ ქართველი ხალხი არ არიან მზად იმისთვის, რომ ხელისუფლება გადააბარონ რომელიმე ერთ მოთამაშეს

„ქართველი ხალხი და ჩვენი პარტნიორები არ არიან მზად იმისთვის, რომ ხელისუფლება გადააბარონ რომელიმე ერთ მოთამაშეს, ან ქართულ ოცნებას, ან ნაციონალურ მოძრაობას.

უმნიშვნელოვანესია ალტერნატიული, ძლიერი მოთამაშის გაჩენა პოლიტიკურ ველზე და ამ ძლიერი მოთამაშის მეშვეობით იმ ნათელი, განჭვრეტადი მომავლის ჩვენება, რომელშიც კოალიციური მმართველობა ამ ალტერნატიული ძალის ირგვლივ ფორმირდება

მე ამ ბრძოლაში ვიქნები ერთ-ერთი რიგითი ჯარისკაცი ისე როგორც ყოველთვის ვიყავი ხოლმე, როდესაც საქართველოს პოლიტიკურ სპექტრში ჩემ როლს ვთამაშობდი“ - განაცხადა გიორგი მარგველაშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი