„ჩვენ ძალიან აქტიურად ვმუშაობთ, რომ ტურიზმი, როგორც პანდემიის შედეგად ყველაზე დაზარალებული სექტორი, დროულად წამოდგეს ფეხზე," - ამის შესახებ  ეკონომიკისა და მდგრადი განვითარების მინისტრობის კანდიდატმა ნათია თურნავამ საქართველოს პარლამენტში კომიტეტების გაერთიანებულ მოსმენაზე სიტყვით გამოსვლისას განაცხადა.

მისი განცხადებით, სამინისტროში ტურისტულ ბიზნესებთან ერთად ტურიზმის განახლებული მარკეტინგული სტრატეგიის განხილვა მიმდინარეობს.

„მთავრობის ანტიკრიზისული გეგმის ფარგლებში, ტურიზმის სექტორი განსაკუთრებული ზრუნვის საგანი იყო. სამომავლოდ, ვიზიტორებისთვის უფრო მეტად დივერსიფიცირებული და ხარისხზე ორიენტირებული ტურისტული პროდუქტები იქნება შეთავაზებული. ჩვენ დღეს ვპოზიციონირებთ, როგორც უსაფრთხო ტურისტული ქვეყანა. ვფიქრობ, რომ ტურიზმის აღდგენა ამ მიმართულებით სწრაფად მოხდება," - განაცხადა მინისტრობის კანდიდატმა.

ამავე დროს,  ნათია თურნავამ ხაზი გაუსვა იმ გარემოებასაც, რომ დარგები, რომლებიც ამჟამად, წერტილოვანი შეზღუდვის ფარგლებში, შეზღუდულად საქმიანობენ, უსაფრთხოდ, მაგრამ სრულად უნდა ამუშავდნენ.

„ეს არის ჩვენი ეკონომიკის გაჯანსაღების საწინდარი და ამაზე გვექნება მსჯელობა განახლებული კაბინეტის ფარგლებში," - განაცხადა მინისტრობის კანდიდატმა.

ავტორი: NS (სტატია დაფინანსებულია),

სოციალური ქსელები

უნგრეთში ორბანის მთავრობის ორი ყოფილი მინისტრი კორუფციის ბრალდებით დააკავეს

ქადაგიშვილი- ირანის ელჩმა კეთილი ინებოს და თავისი კომპეტენციის ფარგლებში თავისი ფუნქციის აღსრულება მოახდინოს

სამხარაძე ირანის ელჩს- დიპლომატის პროტოკოლის ჩარჩოებში დარჩეს და ისტორიულ წიაღსვლებს თავი დაანებოს

გაეროს კომიტეტმა საქართველოს აუკრძალა ტიმოფეევის რუსეთში ექსტრადიცია