საქართველოს კათოლიკოს პატრიარქმა ილია მეორემ საზოგადოებრივი მაუწყებლის გადაცემა „მშვიდობით იარაღო“-ს ინტერვიუ მისცა.

პატრიარქმა ზოგადად ქვეყანაში არსებულ სიტუაციაზე ისაუბრა და ყურადღება სიღარიბეზე გაამახვილა.
პატრიარქის განცხადებით, უნდა გავაანალიზოთ საერთო მდგომარეობა და რა პრობლემები დგას კაცობირობის წინაშე.

მისი თქმით, საზოგადოებაში აგრესიამ იმატა.

„აგრესიამ იმატა. აგრესიულმა დამოკიდებულებამ. მაგრამ, ჩვენ უნდა გავაანალიზოთ საერთო მდგომარეობა. რთული პრობლემები დგას კაცობრიობის წინაშე, ჩვენს წინაშე. ხალხს არ აქვს სამუშაო ადგილები. მაგრამ, მე მაინც იმედით ვუყურებ მომავალს. მამაკაცებს რატომ უჩნდება აგრესია, ოჯახს თავის მოთხოვნილება აქვს, მეუღლე, ცოლი და შვილები თხოულობენ თავისას. მამა ვერ აკმაყოფილებს ამ მოთხოვნას. აქედან ჩნდება ეს გაღიზიანება. მე მინდა ვთქვა, რომ თუ ადამიანს უნდა სამუშაო, მუდამ იშოვის. აი თქვენ ბრძანეთ, რომ ბევრი ტაქსისტია, ტაქსზე მუშაობენ, ესეც რამხელა ღვაწლია, მთელი დღე იმუშაო ადამიანმა, საღამოს კიდევ მიდის და ტაქსზე მუშაობს, ოჯახს რაღაც შეემატოს. ასე თანდათან შენელდება აგრესია. მორწმუნე ადამიანი არ გაღიზიანდება. შეურაცხყოფას და მკვლელობას არ ჩაიდენს მორწმუნე ადამიანი. ისევ მივდივართ აღზრდაზე, როგორ ვზრდით ჩვენს შვილებს. როგორი დამოკიდებულებაა მშობლებსა და შვილებს შორის.“- განაცხადა ილია მეორემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში