რუსეთის ფედერალური უსაფრთხოების სამსახური აცხადებს, რომ გელენჯიკის ტერიტორიაზე მდებარე სასახლის თავზე ასაფრენი ზონის გამოცხადების მიზეზი,მეზობელი ქვეყნების მხრიდან სადაზვერვო საქმიანობის გააქტიურებაა, მათ შორის, ნატოს ბლოკის.

აღნიშნულის შესახებ რუსული ინტერნეტგამოცემა „მედუზა“ იუწყება.

როგორც გამოცემა იუწყება, რუსეთის ფედერალურ უსაფრთხოების სამსახურს გელენჯიკის მახლობლად, იდოკოპსის კონცხზე მდებარე საცხოვრებელი კომპლექსის თავზე არასაფრენი ზონის გამოცხადების შესახებ კითხვით რუსულმა მედიასაშუალება „არ-ბე-კამ“ მიმართა.

საპასუხოდ კი, „ეფესბეში“ აცხადებენ, რომ ფრენის აკრძალვის ზონის შექმნის მიზეზი იყო „გაძლიერებული სადაზვერვო საქმიანობა რიგი მეზობელი სახელმწიფოებისა, მათ შორის ნატო-ში შემავალი სახელმწიფოების მხრიდან".

„ეფესბეში" განმარტავენ, რომ ფრენის აკრძალვის ზონა, გელენჯიკის მახლობლად, იდოკოპასის კონცხის რაიონში 2020 წლის 24 ივლისს შეიქმნა, მიზანი კი, საზღვრის უსაფრთხოება იყო.

შეგახსენებთ, რომ რუსი ოპოზიციონერი ალექსეი ნავალნი, გადაღებულ ფილმში, სადაც ჟურნალისტური გამოძიებაა ჩატარებული ამტკიცებს, რომ გელენჯიკის მახლობლად მდებარე „სასახლე“ რუსეთის პრეზიდენტ პუტინს ეკუთვნის.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები