შსს-მ ე.წ კომენდატის საათის დარღვევისთვის 4 აქტივისტი დააჯარიმა

2021-01-26 15:28:02, 742 ნახვა

სამართალი

შინაგან საქმეთა სამინისტრომ კომენდატის საათის დარღვევისას აქციაში მონაწილე 11 აქტივისტიდან ოთხი 2 000 ლარის ოდენობით დააჯარიმა. დანარჩენები გადაწყვეტილებას ელოდებიან.

როგორც სამოქალაქო აქტივისტმა, ლაშა ხუსკივაძემ განაცხადა, რომ ჯარიმის გადახდას არ აპირებენ. ისინი კომენდატის საათის დარღვევას კვლავ აპირებენ.

„სამინისტროში დაგვახვედრეს გამზადებული ოქმები რის შედეგადაც მოხდა ჩვენი დაჯარიმება 2 000 ლარით. ჩვენ არ ვთვლით ამ ჯარიმას კანონიერად. ეს არის უკანონო შეზღუდვები. ჩვენ არ ვაპირებთ ამ ჯარიმების გადახდა, არ ვაპირებთ დავემორჩილოთ კომენდატის საათს და კიდევ ერთხელ მკაფიოდ მინდა დავაფიქსირო, რომ კიდევ ერთხელ დავარღვევთ კომენდატის საათს და შსს იძულებული იქნება მთელი მსოფლიოს დასანახად თავი მოიჭრა და სამოქალაქო აქტივისტები დააკავოს“, - განაცხადა ხუსკივაძემ

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან