რუსეთის პრეზიდენტმა ვლადიმერ პუტინმა პირველად გააკეთა კომენტარი რუსი ოპოზიციონერის, ალექსეი ნავალნის საგამოძიებო ფილმთან დაკავშირებით, რომელშიც ოპოზიციონერი ირწმუნება, რომ ვლადიმერ პუტინი ფლობს უზარმაზარ სასახლეს გელენჯიკის მახლობლად.

როგორც ვლადიმერ პუტინმა სტუდენტებთან გამართული ვიდეოკონფერენციის დროს აღნიშნა, ფილმში ნაჩვენები ქონება მას არ ეკუთვნის. 

„არაფერი, რაც ამ ფილმში ჩემი ქონების სახით არის ნაჩვენები არც მე, არც ჩემს ნათესავებს არ ეკუთვნის და არც არასოდეს ეკუთვნოდა", - განაცხადა ვლადიმერ პუტინმა.

ამასთანავე, რუსეთის პრეზიდენტმა აღნიშნა, რომ ფილმი თავად არ აქვს ნანახი, თუმცა თანაშემწეებმა მას ფილმიდან ამონარიდები აჩვენეს.

მანვე დასძინა, რომ ფილმში მონაწილე ადამიანთა ნაწილს, არც კი იცნობს.

„ადამიანებიდან, რომლებიც ამ ფილმში არიან, ვიღაცას ვიცნობ, ვიღაც ჩემი მეგობარია, ზოგიც ყოფილი კოლეგაა. ზოგი შორეული ნათესავი, ზოგი ნაცნობი. არიან ადამიანები, რომლებსაც საერთოდ არ ვიცნობ, ზოგს კი, შორიდან", - დასძინა ვლადიმერ პუტინმა.

ცნობისთვის, რუსი ოპოზიციონერის ალექსეი ნავალნის კორუფციასთან ბრძოლის ფონდმა რუსეთის პრეზიდენტის, ვლადიმერ პუტინის სასახლეზე საგამოძიებო ფილმი გადაიღო. ფილმი გელენჯიკში, სოჭის მახლობლად პუტინის სასახლეს ეხება.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები