მოვუწოდებ საქართველოს მმართველ და ოპოზიციურ პარტიებს, დაიწყონ სიღრმისეული მოლაპარაკებები და განსაზღვრონ შესაძლებლობები, რათა ერთად იმუშაონ პარლამენტში, -  ამის შესახებ ესტონელმა დეპუტატმა, „ლიბერალებისა და დემოკრატების ალიანსი ევროპისთვის“ წევრმა, მარია ჯუფერევა-სკურატოვსკიმ ევროსაბჭოს საპარლამენტო ასამბლეის ზამთრის პლენარულ სხდომაზე განაცხადა, სადაც საქართველოში ჩატარებული საპარლამენტო არჩევნების შესახებ დებატები გაიმართა.

როგორც დეპუტატმა აღნიშნა, ტრადიციული ბიულეტენების სისტემასთან ერთად, ელექტრონული არჩევნების სისტემაც უნდა განიხილოს.

„ტინი კოქსის მოხსენებაში ხაზგასმულია, რომ საერთაშორისო სადამკვირვებლო მისიის შეფასების თანახმად, არჩევნები კონკურენტული იყო და საერთო ჯამში, ფუნდამენტური თავისუფლებები დაცული იყო.

პირველ რიგში, ჩემი პოლიტიკური ჯგუფის სახელით მოვუწოდებ როგორც საქართველოს მმართველ პარტიას, ასევე ოპოზიციურ პარტიებს, დაიწყონ მოლაპარაკებები და განიხილონ პარლამენტში ერთად მუშაობის შესაძლებლობები, რადგან ვხედავთ, რომ ბოიკოტი მოსახლეობის ინტერესების წარმოსადგენად საუკეთესო საშუალება არაა.

მეორე, ჩვენ არ ვუჭერთ მხარს მმართველი პარტიის ინიციატივას, რაც იმ ოპოზიციური პარტიებისთვის, რომლებიც არ შედიან პარლამენტში, საბიუჯეტო დაფინანსებისა და სხვა ბენეფიტების შეწყვეტას ითვალისწინებს. ჩვენ ვხედავთ, რომ ამან შეიძლება, გამოიწვიოს პოლიტიკური სიტუაციის გაუარესება.

მესამე, მივესალმებით სპეციალური კომიტეტის შექმნას, რომელმაც ის დარღვევები უნდა გამოიძიოს, რომელიც ბოლო დროს ჩატარებული არჩევნების დროს დაფიქსირდა. მეოთხე, მივესალმებით საარჩევნო სისტემის რეფორმას, რომელიც 2024 წელს სრულად პროპორციულად ჩატარებას ითვალისწინებს და და მეხუთე, ჩვენ გამოვდივართ წინადადებით, რომ ტრადიციული ბიულეტენების სისტემასთან ერთად, განხილული იყოს ელექტრონული არჩევნების სისტემაც“, - განაცხადა მარია ჯუფერევა-სკურატოვსკიმ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები