„ვგმობთ რუსეთში დემონსტრანტებისა და ჟურნალისტების წინააღმდეგ გამოყენებულ ხისტ ტაქტიკას“, - ამის შესახებ ინფორმაცია, აშშ-ს სახელმწიფო დეპარტამენტი ავრცელებს.

განცხადებაში ნათქვამია, რომ აშშ მოითხოვს ალექსეი ნავალნის და მისი მომხრეების გათავისუფლებას.

„ამერიკის შეერთებული შტატები რუსეთში დემონსტრანტებისა და ჟურნალისტების წინააღმდეგ გამოყენებულ ხისტ ტაქტიკას მკაცრად გმობს.

რუსეთის მთავრობა ცდილობს მოქალაქეებისთვის მშვიდობიანი შეკრებისა და გამოხატვის თავისუფლების აღკვეთას და ეს შემაშფოთებელია.

რუსების უფლებები მშვიდობიანი შეკრებისა და თავისუფალ და სამართლიან არჩევნებში მონაწილეობის შესახებ არა მხოლოდ ქვეყნის კონსტიტუციაშია გაწერილი, არამედ რუსეთის ეუთო-ს ვალდებულებებში, ადამიანის უფლებათა საყოველთაო დეკლარაციაში და სამოქალაქო და პოლიტიკურ საერთაშორისო პაქტის შესაბამისად საერთაშორისო ვალდებულებებში.

ჩვენ მოვუწოდებთ რუსეთის ხელისუფლებას გაათავისუფლოს ყველა ის, ვინც დააპატიმრეს საკუთარი უფლებებისთვის ბრძოლის გამო და ასევე ვითხოვთ ალექსეი ნავალნის დაუყოვნებლივ და უპირობოდ გათავისუფლებას. ჩვენ მოვუწოდებთ რუსეთს ითანამშრომლოს საერთაშორისო საზოგადოების გამოძიებასთან ალექსეი ნავალნის მოწამვლის ფაქტთან დაკავშირებით და გასაგებად განმარტოს მის ტერიტორიაზე ქიმიური იარაღის გამოყენების ფაქტი.

შეერთებული შტატები მხარს უჭერს და იცავს ადამიანის უფლებებს“,- ნათქვამია აშშ-ს სახელმწიფო დეპარტამენტის განცხადებაში.

ავტორი: ექსპრესნიუსი,

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები