კომპანიები Pfizer-ი და BioNtech-ი ჯანდაცვის მსოფლიო ორგანიზაციის ვაქცინაციის COVAX პროგრამას შეუერთდნენ.

ამის შესახებ ინფორმაციას „როიტერსი“ საკუთარ წყაროებზე დაყრდნობით ავრცელებს.

სააგენტოს ცნობით, გარიგების დეტალები ჯერჯერობით უცნობია, თუმცა მხარეები შეთანხმების შესახებ განცხადებას დღის განმავლობაში გააკეთებენ.

ჯანმოს უფროსმა მრჩეველმა, ბრიუს ეილვარდმა კვირის დასაწყისში განაცხადა, რომ COVAX სქემა კომპანია Pfizer-თან მოლაპარაკებას აწარმოებდა. აღნიშნულმა კომპანიამ ვაქცინის ასობით მილიონი დოზა რამდენიმე მდიდარ ქვეყანაში უკვე გამოიყენა და სავარაუდოდ,  ვაქცინის შეტანა COVAX- შიც შეეძლო.

COVAX სქემის მიხედვით, COVID-19-ის ვაქცინების დარიგება ღარიბი და საშუალო შემოსავლის მქონე ქვეყნებისთვის თებერვლიდან მოხდება. პროექტი მსოფლიოს 92 ქვეყნისთვის კორონავირუსის საწინააღმდეგო ვაქცინის 2 მილიარდამდე დოზის მიწოდებას ითვალისწინებს.

ავტორი: ექსპრესნიუსი,

სოციალური ქსელები

ჟურნალისტი გელა მთივლიშვილი წერს, რომ თავს დაესხნენ

ორბანმა უნგრეთის პრემიერ-მინისტრის თანამდებობა დატოვა

ზვიად მაისაშვილი: ორივე სპეცრაზმელმა აღიარა დანაშაული, ბოდიში მოიხადეს

ზურაბიშვილმა ევროკავშირის ელჩს დიუშენის მქონე ბავშვების დახმარების თხოვნით მიმართა