სტრასბურგის სასამართლო ასაჯაროებს მუხლებს, რომლებიც რუსეთმა 2008 წელს, საქართველოსთან ომში დაარღვია.

ამის შესახებ იუსტიციის მინისტრმა, გოჩა ლორთქიფანიძემ ბრიფინგზე განაცხადა.

„რუსეთმა დაარღვია შემდეგი უფლებები: წამების აკრძალვა(კონვენციის მესამე მუხლი); სტრასბურგის სასამართლომ გაიზიარა საქართველოს პოზიცია და  აღიარა რუსეთის პასუხისმგებლობა ქართველი სამხედრო ტყვეებისა და სამოქალაქო პირების მიმართ ჩადენილი წამებისა და არაადამიანური და ღირსების შემლახველი მოპყრობისთვის. კერძოდ, სასამართლომ მიიჩნია, რომ რუსეთი პასუხისმგებელია: როგორც ქართველი სამხედრო ტყვეების წამებისთვის, ისე დაახლოებით 160 ქართველი სამოქალაქო პირის დაკავებისა და ცხინვალის იზოლატორში არაადამიანური და დამამცირებელი მოპყრობისთვის.

მეორე, თავისუფლებისა და უსაფრთხოების უფლებისთვის (კონვენციის მეხუთე მუხლი); რუსეთის მიერ კონტროლირებული რეგიონის დე ფაქტო ხელისუფლების ძალების მიერ საქართველოს მოქალაქეების უკანონო დაკავებამ, აგრეთვე გამოიწვია ამ მუხლის დარღვევა.

მესამე, მიმოსვლის თავისუფლება, პირადი და ოჯახური დაცულობის უფლება და საკუთრების უფლება. გაიზიარა რუსეთის მიერ განხორციელებულ ეთნიკურ წმენდასთან დაკავშირებით და დაადგინა, რომ რუსეთი პასუხისმგებელია ცხინვალის რეგიონსა და მის მიმდებარე ტერიტორიებზე მიზანმიმართულად ქართული სოფლების გადაწვისა და განადგურებისათვის. ამგვარი ეთნიკური წმენდის შედეგად და განგრძობადი ოკუპაციის პირობებში ათასობით ქართველი გამოძევებულ იქნა საკუთარი საცხოვრებელი სახლიდან და დღემდე ეზღუდებათ უფლებები.

მეოთხე, სიცოცხლის უფლება. სასამართლომ დაადგინა, რომ რუსეთი პასუხისმგებელია სიცოცხლის უფლების პროცედურული დარღვევისათვის რადგან არ გამოიძია ომისა და მის შემდეგ საქართველოს მოსახლეობის მკვლელობები.

მეხუთე, რუსეთმა არ ითანამშრომლა სასამართლოსთან კერძოდ, ევროპულმა სასამართლომ დაადგინა, რომ კონვენციის 38-ე მუხლი დარღვეულია რუსეთის ფედერაციის მიერ, რაც ეხება სასამართლოსთან თანამშრომლობის ვალდებულებას.

რაც შეეხება ზიანი ანაზღაურებას, დადგენილი პრაქტიკის შესაბამისად, რუსეთის მიერ ევროპული კონვენციით დარღვევისათვის სამართლიანი დაკმაყოფილებისა და ზიანი ანაზღაურების საკითხი ცალკე პროცედურით გადაწყდება და მხარეებს პოზიციების აღსადგენად ერთი წელიწადი აქვთ“, - განაცხადა ლორთქიფანიძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

უკრაინა მოსკოვში აღლუმის დასაცავად საჰაერო თავდაცვის გარეშე დარჩენილი რუსეთში ობიექტების დაბომბვისთვის ემზადება

ელენე ხოშტარია - რეალური ზეწოლის პირობებში ოცნება უკან იხევს

ამირან გამყრელიძე დიუშენის კუნთოვანი დისტროფიით დაავადებული ბავშვების მკურნალობასთან დაკავშირებით რეკომენდაციას ავრცელებს

კრიპტო უკვე საქართველოს ბანკის მობილბანკშია — დაიწყე ინვესტირება მსოფლიოში საუკეთესო ციფრული ბანკით