სტრასბურგის სასამართლო საქმეზე „საქართველო რუსეთის წინააღმდეგ“ განაჩენს დღეს გამოიტანს

2021-01-21 09:14:59, 581 ნახვა

სამართალი

სტრასბურგის სასამართლო საქმეზე „საქართველო რუსეთის წინააღმდეგ“ განაჩენს დღეს გამოიტანს.

როგორც იუსტიციის ყოფილი მინისტრი, თეა წულუკიანი აცხადებს, ძლიერი პოზიციიდან გამომდინარე აქვს მოლოდინი, რომ გადაწყვეტილება საქართველოს სასარგებლოდ იქნება მიღებული.

„იუსტიციის სამინისტროსა და სხვადასხვა უწყების წარმომადგენლების დიდი ძალისხმევის შედეგად ასეულობით ახალი მტკიცებულება წარვადგინეთ საქმეზე. სწორედ ამ გარემოებიდან გამომდინარე, ძლიერი პოზიციიდან გამომდინარე და სიმართლიდან გამომდინარე მოვიგებთ.

თუ ჩვენ მივიღეთ გამარჯვების გადაწყვეტილება ეს იქნება პირველი პრეცედენტი, რომ საქართველომ ხელთ დაიჭირა სამართლებრივი დოკუმენტი ჩვენი ტერიტორიული მთლიანობის შესახებ“, - განაცხადა თეა წულუკიანმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან