ჩხოროწყუში მამის მკვლელობის ფაქტზე დაკავებულ პირს დღეს ბრალს ოფიციალურად წარუდგენენ.

შეგახსენებთ, რომ მკვლელობა სამი დღის წინ მოხდა. 35 წლის მამაკაცმა დანით რამდენიმე ჭრილობა მიაყენა მამას, რომელიც ადგილზე გარდაიცვალა.

გამოძიება საქართველოს სისხლის სამართლის კოდექსის 11 პრიმა-109-ე მუხლის მე-2 ნაწილის “ვ” ქვეპუნქტით მიმდინარეობს რაც დამამძიმებელ გარემოებაში ოჯახის წევრის მიმართ ჩადენილ განზრახ მკვლელობის ფაქტს გულისხმობს.

დანაშაული 13-დან 17 წლამდე ვადით თავისუფლების აღკვეთას ითვალისწინებს.

ავტორი: მერი ტაბატაძე, ექსპრესნიუსის რეპორტიორი 2019 წლიდან