საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“  ინიციატივით, ორსანტიას საზოგადოებრივ ცენტრში ტრენინგი ჩატარდა.

ტრენინგი გენდერის რაობასა და გენდერულ სტერეოტიპებს მიეძღვნა, რომელიც პროგრამა „ლიდერთა სახლის“ ფარგლებში გაიმართა. მას ზუგდიდის რიონის სოფელ ორსანტიას სკოლის 20 მოსწავლე დაესწრო.

ტრენინგების ფარგლებში ახალგაზრდებმა განიხილეს გენდერის ძირითადი საკითხები  - გენდერული როლები, სტერეოტიპები; ასევე, იმსჯელეს სიძულვილის ენის ტირაჟირებისა და დისკრიმინაციის პრობლემებზე. მონაწილეები გაეცნენ შესაბამის თეორიულ მასალებს. ბოლო სესია კი ინტერაქტიულ ფორმატში  გენდერული თანასწორობის შესახებ აქტუალურ თემებს დაეთმო. დისკუსიაში აქტიურად ჩაერთვნენ მოსწავლეები.

სსიპ „დანაშაულის პრევენციის ცენტრის“  პროგრამა „ლიდერთა სახლის“  მიზანია ახალგაზრდებში სამართლებრივი და სამოქალაქო ცნობიერების ამაღლება, ჯანსაღი ცხოვრების წესის პოპულარიზაცია და მოხალისეობრივი კულტურის განვითრების ხელშეწყობა. პროგრამა 13 ქალაქის იუსტიციის სახლებში ფუნქციონირებს.  „ლიდერთა სახლი“ საზოგადოებრივ ცენტრებში სხვადასხვა მნიშვნელოვან საკითხებზე ტრენინგების ჩატარებასაც ითვალისწინებს. მასში 14-დან 18 წლამდე ასაკის ახალგაზრდები მონაწილეობენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ