მამა ილია კარტოზიას საქართველოში გადმოსვენებისა და დაკრძალვის ხარჯებს სახელმწიფო გაიღებს

2015-01-05 15:09:02, 333 ნახვა

საქართველოს პრემიერ-მინისტრ ირაკლი ღარიბაშვილის გადაწყვეტილებით, ბორან Norman Atlantic-ზე დაღუპული მამა ილია კარტოზიას საქართველოში გადმოსვენებისა და დაკრძალვის ხარჯებს სახელმწიფო გაიღებს.

ამის შესახებ ინფორმაციას საქართველოს პრემიერ-მინისტრის საზოგადოებასთან ურთიერთობის სამსახურის ავრცელებს.

მამა ილია კარტოზიას გარდაცვალებასთან დაკავშირებით, ირაკლი ღარიბაშვილმა სამძიმრის წერილი გაავრცელა.

„მცხეთის მამათა მონასტრის წინამძღვარმა, მამა ილია კარტოზიამ ყველას სამოქალაქო გმირობის მაგალითი უჩვენა. მან საკუთარი სიცოცხლის ფასად იხსნა ცეცხლმოკიდებულ ბორანზე მყოფი მოქალაქეები. ეს არის დიდი ტრაგედია, რომელიც ამავდროულად, სიამაყით გვავსებს. მსგავსი გმირობა სათანადო დაფასებას საჭიროებს. მისი ხსოვნა მუდამ იქნება თითოეული ჩვენგანისთვის ძვირფასი“, - ნათქვამია ირაკლი ღარიბაშვილის სამძიმრის წერილში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან