ფოთის მუნიციპალიტეტი საყოველთაო დასუფთავების აქციას - "დავასუფთათ საქართველო, დავასუფთაოთ მსოფლიო" შეურთდა.

ფოთის მერიის ინფორმაციით, დასუფთავების აქცია მალთაყვის უბანში, სტადიონის მიმდებარე ტერიტორიაზე მოეწყო. აქციაში ააიპ ქალაქ ფოთის მუნიციპალიტეტის სოციალური კვლევის თანამშრომლები, მწვანეთა პარტიის წარმომადგენლები და მოხალისეები ჩაერთნენ.

"დავასუფთაოთ მსოფლიო" (Clean Up TheWorld), რომელიც 1992 წელს დაფუძნდა გაერო-ს გარემოსდაცვითი პროგრამის (UNEP) ინიციატივით და ადგილობრივი გარემოს გაუმჯობესების მიზნით, აერთიანებს მთელი რიგი ქვეყნების ხელისუფლებისა და ბიზნესსექტორის წარმომადგენლებს, საზოგადოებრივ ორგანიზაციებს, სასწავლო დაწესებულებებს და ცალკეულ პირებს. კამპანიაში 134 ქვეყანა მონაწილეობს.

საქართველო მსოფლიო კამპანიას 2010 წელს შეუერთდა და რიგით 121-ე ქვეყანაა, რომელიც დატანილია მსოფლიო გარემოსდაცვით რუკაზე.

აღსანიშნავია, რომ საქართველო უკვე მე-6 წელია მონაწილეობს მსოფლიოს ერთ-ერთ უდიდეს გარემოსდაცვით კამპანიაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ