დაუსაბუთებელი ბრალდების გარეშე ცილისწამება ცუდი საქციელია და კრიმინალური დანაშაულია, - ასე ეხმაურება ხალქალაქის, კუმურდოსა და კარის მიტროპოლიტი მეუფე ნიკოლოზი დავით-გარეჯის საქმეზე დაკავებული ჯარტოგრაფების საქმეს.

როგორც მან მცხეთაში ჟურნალისტებს განუცხადა, ეს არის პრობლემური საკითხი, რადგან რუკებზე გარეჯის საკითხი მონიშნული არ არის.

„ვინმეს პირადად გინახავთ ეს რუკები? ნახეთ ეს რუკა, გარეჯი საერთოდ არ არის ამ რუკაზე. კითხვის ნიშანი გარეჯზე არ ისმის. ვის ინტერესშია ეს ყველაფერი თქვენ გადაწყვიტეთ. გეუბნებით, რომ ყველა რუკა, რომელიც არსებობს ნახეთ. არსად არ არის გარეჯზე საუბარი. რა თქმა უნდა, არის დემარკაციის საკითხი, არის ტერიტორიის გადაწევა-გადმოწევა. თვითონ ვიყავი ამის მომსწრე, 2001 წლამდე მე ვიყავი ბოდბის ეპისკოპოსი და ჩვენ ეპარქიას ჰქონდა ფერმა, რომელიც სამჯერ გადავიდა-გადმოვიდა ხელში. ეს არის პრობლემური საკითხი ნახეთ ეს რუკები აუცილებლად. თუ შეიძლება, ვინმემ გამოაქვეყნოს ეს რუკები. ვიცი რომ პროკურატურამ გამოქვეყნა, მაგრამ არავის არა გვაქვს ნანახი. იქ გარეჯის საკითხი საერთოდ არ არის მონიშნული.

დაუსაბუთებელი ბრალდებით მხოლოდ ყურმოკვრით ადამიანს დადო ბრალი სამშობლოს ღალატში, ეს არის ძალიან არასწორი საქციელი რბილად რომ ვთქვათ. დაუსაბუთებელი ბრალდების გარეშე ცილისწამება ცუდი საქციელია და ეს არის კრიმინალური დანაშაული“, - განაცხადა მეუფე ნიკოლოზმა.  

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს