დღეიდან იუსტიციის უმაღლესი საბჭო საქართველოს უზენაესი სასამართლოს მოსამართლის თანამდებობაზე ასარჩევად პარლამენტისათვის წარსადგენი კანდიდატების შერჩევის პროცედურას იწყებს.

იუსტიციის უმაღლესი საბჭოს მდივნის გიორგი მიქაუტაძის განცხადებით, უზენაესი სასამართლოს მოსამართლის ცხრა ვაკანტურ ადგილზე განცხადებების ელექტრონული ფორმით მიღება დღეიდან მოხდება.

„როგორც თქვენთვის ცნობილია, საქართველოს პარლამენტმა მიიღო ცვლილებები საერთო სასამართლოების შესახებ საქართველოს ორგანულ კანონში, რომელიც მიზნად ისახავდა ვენეციის კომისიის რეკომენდაციების გათვალისწინებას. გაწვეულად ჩაითვალა ყველა კანდიდატი, რომელიც მიმდინარე კონკურსის ფარგლებში წარდგენილი ჰყავდა იუსტიციის უმაღლეს საბჭოს. სწორედ ამიტომ, საბჭოს წარმოეშვა ვალდებულება 9 ვაკანტურ ადგილზე, რომელიც არის უზანაეს სასამართლოში, დავიწყოთ ახალი პროცედურა. ფაქტობრივად, კონკურსს ვიწყებთ ახლიდან. ასეთი რეგულაცია შემოგვთავაზა კანონმა და დღევანდელი მდგომარეობის მიხედვით გამოცხადებულია საბუთების მიღება“, - განაცხადა გიორგი მიქაუტაძემ.  

ავტორი: ექსპრესნიუსი,

სოციალური ქსელები

ლიტერატურული პრემია „საბას“ 2026 წლის ფინალისტები ცნობილია

მერცი: აშშ-მ გერმანიისთვის Tomahawk-ის მიყიდვას დაამტკიცა

კალაძე: ბიძინა ივანიშვილი საქართველოს უახლეს ისტორიაში მართლაც ოქროს ასოებით ჩაიწერება

ISFED-მა იმედის 26 მაისის ქარდის მომწონებლებს შორის 1 500-ზე მეტი ტროლ-ბოტი გამოავლინა