ჩვენი სასამართლოს მიმართ ნდობის ფაქტორი მაღალია, თუმცა გარკვეული ნიუანსები ვენეციის კომისიასთანაა განსახილველი, - ასე გამოეხმაურა ჟურნალისტებთან პარლამენტის პირველი ვიცე-სპიკერი გია ვოლსკი საქართველოში უზენაესი სასამართლოს მოსამართლეების შერჩევის პროცესთან დაკავშირებით ევროკავშირის განცხადებას.

მისი თქმით, საქართველოს სასამართლოს ბევრ ევროპულ ქვეყანაზე მაღალი რეიტინგი აქვს.

„ამ ვითარების დრამატიზირებას არ მოვახდენდი. მნიშვნელოვანია, რომ საქართველოს სასამართლო ბევრ დემოკრატიულ ევროპულ სახელმწიფოზე მაღალ მაჩვენებელს უჩვენებს, როდესაც რეიტინგები ქვეყნდება. ეს არის ჩვენთვის მთავარი. თუ იქ რაღაც საკითხები მოსაგვარებელია, ალბათ, ვენეციის კომისიასთან მეტი კონსულტაცია გვექნება. სასამართლოს მიმართ ნდობის ფაქტორი მაღალია და ჩვენს სასამართლოსაც საკმაოდ მაღალი რეიტინგი აქვს. გარკვეული სამართლებრივი ნიუანსებია, რასაც ალბათ, განმარტავენ ჩვენი შესაბამისი კომიტეტების წარმომადგენლები. არის რაღაც გარკვეული ნიუანსები, რომელიც განსახილველია დამატებით ვენეციის კომისიასთან“, - განაცხადა გია ვოლსკიმ.

შეგახსენებთ, რომ ევროკავშირის საგარეო საქმეთა და უსაფრთხოების პოლიტიკის წამყვანი სპიკერი პეტერ სატანო საქართველოში უზენაესი სასამართლოს მოსამართლეების შერჩევის პროცესთან დაკავშირებით განცხადებს ავრცელებს. განცხადებაში ევროკავშირი მწუხარებას გამოთქვამს, რომ პარლამენტი არ დაელოდა ვენეციის კომისიის დასკვნის გამოქვეყნებას.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს