პრემიერ–მინისტრი ირაკლი ღარიბაშვილი მსოფლიო ჩემპიონატიდან დაბრუნებულ საქართველოს მოჭიდავეთა ნაკრებს შეხვდა.

პრემიერმა თავისუფალ ჭიდაობაში 2015 წლის მსოფლიო ჩემპიონს ვლადიმერ ხინჩეგაშვილს მიღწეული წარმატება  მიულოცა.

„ჩემთვის სასიხარულოა, რომ დღეს აქ ერთად შევიკრიბეთ. გილოცავთ ამ დიდ გამარჯვებას, ეს არის საქართველოს და ჩვენი ხალხის გამარჯვება. ჩვენ ვართ ბედნიერები, რომ გვყავს ასეთი სპორტსმენები“, - განაცხადა პრემიერმა შეხვედრაზე.

მიღწეული წარმატების აღსანიშნავად სპორტის ახალ სასახლეში მიღება გაიმართა. შეხვედრას ჭიდაობის ფედერაციის წარმომადგენლები, ვეტერანი ჩემპიონები, მწვრთნელები, გულშემატკივრები და ჟურნალისტები დაესწრნენ.

თავისუფალი სტილით მოჭიდავეთა ნაკრების წევრებმა, ლას ვეგასში გამართულ მსოფლიო ჩემპიონატზე, მედლებთან ერთად, რიო დე ჟანეიროს 2016 წლის ოლიმპიური თამაშების ლიცენზიაც აიღეს.

ვლადიმერ ხინჩეგაშვილმა მსოფლიო ჩემპიონატზე 5 მეტოქე დაამარცხა და ფინალურ ეტაპზე ირანელ მეტოქეს 5:4 აჯობა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ