საქართველოს კიბერუსაფრთხოების ფორუმის გახსნის შემდეგ შინაგან საქმეთა მინისტრმა, ეროვნული უსაფრთხოების საბჭოს მდივანმა, ვახტანგ გომელაურმა ჟურნალისტების კითხვებს უპასუხა.

შინაგან საქმეთა მინისტრმა საქართველოს კიბერუსაფრთხოების შესახებ გაამახვილა ყურადღება და ამ მიმართულებით საერთაშორისო პარტნიორების ჩართულობის მნიშვნელობას გაუსვა ხაზი.

„კიბერუსაფრთხოების მიმართულება ერთ-ერთი მოწყვლადია მსოფლიოში და ჩვენი ქვეყანაც არ არის გამონაკლისი. უკვე ორი-სამი წელია, რამდენიმე წელია რაც აქტიურად ვმუშაობთ ჩვენ სტრატეგიულ პარტნიორებთან ერთად: შეერთებულ შტატებთან, ევროკავშირთან, ბრიტანეთთან ერთად. ეს ურთულესი მიმართულებაა. ჩვენ გვახსოვს რამდენიმე დიდი შეტევა, 2019 წელს შემოდგომაზე, ახლაც მოხდა კიბერშეტევა. ძალიან მნიშვნელოვანია ამ მიმართულების გაძლიერება, გუშინ უფრო სუსტი იყო, დღეს უფრო ძლიერები ვართ, მაგრამ ხვალ უფრო ძლიერები გვინდა ვიყოთ, რომ აღარ იყოს ისე ადვილი ჩვენი მტრებისთვის, თუ სხვა ჯაშუშებისთვის შემოღწევა და ინფორმაციის წაღება ამა თუ იმ სახელმწიფო უწყებებიდან.

კიბერშეტევებზე კონკრეტულად ვერ ვიტყვი, რომელი სამსახური და სპეცსამსახური იყო ჩართული, ვმუშაობთ  კოლეგებთან ერთად და მათთან გახსნილები ვართ, ინფორმაციას ერთობლივად ვცვლით.

სტრატეგია არსებობს, რა თქმა უნდა და მას მივყვებით. დღევანდელი ფორუმიც მაგის შედეგია, ხედავთ რა დიდი ინტერესია დღევანდელი დღის, ელჩების, ჩვენი პარტნიორებს მეგობრების დასწრება იმას მეტყველებს, რომ ძალიან მნიშვნელოვანია და ყველა არის ინტერესით ჩართული ამ მიმართულებით“, - განაცხადა ვახტანგ გომელაურმა.

ავტორი: NS (სტატია დაფინანსებულია),

სოციალური ქსელები

ირაკლი კირცხალია –ჩვენი გუნდი სწორედ ბიძინა ივანიშვილს უკავშირებს იმ პოლიტიკური კურსის ჩამოყალიბებას

მიხეილ სააკაშვილი – აქეთ იქით გაიხედეთ, რამდენი დარჩა „ქოცების“ მხარდამჭერი? შეწყვიტეთ ქოთქოთი

თიბისი უკვე საერთაშორისო ტრანზაქციების განაწილების შესაძლებლობასაც გაძლევთ

WP: აშშ არ გამორიცხავს ერაყში დარტყმებს ოპერაციის ოფიციალური დასრულების შემდეგაც კი