ეკონომიკისა და მდგრადი განვითარების მინისტრის, ნათია თურნავას განცხადებით, ქვეყანაში პანდემიისგან გამოწვეული მძიმე შეზღუდვების პერიოდი დასრულდა და გადავდივართ ადაპტაციის ეტაპზე.

როგორც ნათია თურნავამ აღნიშნა, საქართველო რეგიონში ერთ-ერთი პირველია, სადაც უკვე სახეზეა ეკონომიკის პირველი გაჯანსაღებისა და აღდგენის ნიშნები.

„ჩვენ გადავდივართ ადაპტაციის ეტაპზე. ჩვენი პრევენციული ზომების წყალობით დრო მოვიგეთ, გაცილებით მეტი ცოდნით ვართ შეიარაღებული, მეტი შესაძლებლობა გვაქვს, გავუმკლავდეთ თუნდაც ინფიცირებულთა შემთხვევების გაზრდილ რაოდენობას.

რა თქმა უნდა საქართველო არის გლობალური და რეგიონალური ეკონომიკის ნაწილი, ჩვენს ეკონომიკასაც საკმაოდ მძიმე დარტყმა მიადგა, მაგრამ ამ გამოწვევის ეფექტიანი მართვის შედეგად რეგიონში ვართ ერთ-ერთი პირველები, სადაც დღეს უკვე სახეზეა ეკონომიკის პირველი გაჯანსაღების და აღდგენის ნიშნები. რა თქმა უნდა არ ვსაუბრობთ, რომ ყველაფერი კარგად არის, დიდი პრობლემა გვიდგას, ისევე როგორც მთელ მსოფლიოს. მაგრამ პირველი გაჯანსაღების ნიშნები ჩვენთან უკვე სახეზეა. ამით ერთ-ერთი მოწინავე ქვეყანა ვართ. ეს უნდა დავინახოთ, უნდა გავაძლიეროთ“,- განაცხადა ნათია თურნავამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

შსს ვახო სანაიას ამჯერად 2 Facebook პოსტის და 1 ვიდეოს გამო ედავება

ბრიტანეთმა პრორუსული დეზინფორმაციისთვის ნიკოლოზ მჟავანაძე და მამუკა ფიფია დაასანქცირა

სუს-ის უფროსის ყოფილი მოადგილე, ლევან ახობაძე 500 000-ლარიანი გირაოს სანაცვლოდ გაათავისუფლეს

3-4 ოქტომბერს „თბილისობა“ აღინიშნება - ხუთ ლოკაციაზე მრავალფეროვანი პროგრამა იქნება წარმოდგენილი