აჭარის ავტონომიური რესპუბლიკის მთავრობის თავმჯდომარე არჩილ ხაბაძე არასამთავრობო ორგანიზაცია “Mercy Corps”-ის  „მცირე  კავკასიის ალიანსების პროგრამის“ წარმომადგენლებს შეხვდა.

აჭარის მთავრობის ადმინისტრაციის პრესსამსახურის ინფორმაციით, შეხვედრის მიზანი Mercy Corps-ის მიერ აჭარაში განხორციელებული პროექტების გაცნობა იყო.

ორგანიზაცია სოფლის მეურნეობის მხარდასაჭერად  ამ ეტაპზე ანხორციელებს ახალ პროექტს - „მცირე  კავკასიის ალიანსების პროგრამა“. პროგრამა მიზნად ისახავს საქართველოს სამ რეგიონში - ქვემო ქართლში, სამცხე-ჯავახეთსა და აჭარაში მეცხოველეობის სექტორის მდგრად საბაზრო ეკონომიკაზე გადასვლის ხელშეწყობასა და ხორცის, რძისა და თაფლის პროდუქტების საწარმოოს განვითრებას და გაძლიერებას. პროგრამის განხორციელება 2014 წლის 1 მარტს დაიწყო და 2019 წლის 28 თებერვალს დასრულდება.

პროგრამის ბიუჯეტი 7 მილიონ 181 ათასი შვეიცარიული ფრანკია და მას შვეიცარიის განვითარებისა და თანამშრომლობის სააგენტო (SDC) აფინანსებს.

შეხვედრას ესწრებოდნენ: ჰელენ ბრადბერი - „მცირე კავკასიის ალიანსების პროგრამის“ ჯგუფის ხელმძღვანელი, გიორგი სადუნიშვილი - „მცირე კავკასიის ალიანსების ქვემო ქართლის პროგრამის“ მენეჯერი, ლელა ფუტკარაძე - „მცირე კავკასიის ალიანსების აჭარის პროგრამის“ მენეჯერი, მერაბ აბაშიძე - აჭარის ა.რ უმაღლესი საბჭოს აგრარული და თვითმმართველობის საკითხთა კომისიის  თავმჯდომარე, კახა შაშიკაძე - მთავრობის აპარატის ადმინისტრაციულ ორგანოებთან ურთიერთობის დეპარტამენტი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით