16-17 სექტემბერს, ბათუმში, აჭარის ავტონომიური რესპუბლიკის მთავრობისა და საქართველოს რკინიგზის მხარდაჭერით, კონფერენცია „არგუს კასპიის - შავი ზღვის სატრანსპორტო დერეფანი 2015“ ჩატარდება.

ღონისძიების პრტნიორები არიან საქართველოს უმსხვილესი სატრანსპორტო-ლოგისტიკური კომპანიები, Georgia Transit, Petrocas Energy Group, Batumi Sea Port, Batumi Oil Terminal, Caspian Transit и GR Trans Line.

ფორუმის მუშაობაში მონაწილეობას მიიღებს  ნავთობისა და სატრანსპორტო-ლოჯისტიკური მსხვილი კომპანიების წარმომადგენლები, მათ შორის, ნავთობგადამამუშავებელი ქარხნების 120-ზე მეტი დელეგატი და აგრეთვე  საწვავის მომხმარებლები  საქართველოდან, აზერბაიჯანიდან, ბულგარეთიდან, ყაზახეთიდან, უკრაინიდან, თურქეთიდან, რუსეთიდან და სხვა ქვეყნებიდან.

კონფერენციაზე განხილული იქნება შემდეგი საკითხები:

•             სატრანსპორტო დერეფნის განვითარება ეკონომიკური  ტურბულენტობის პირობებში;

•             სატრანზიტო რეგიონალური  ვალუტის დევალვაციისა და ბიზნეს-აქტიურობის დაქვეითება;

•             რეგიონში ჩამოსასხმელი ნავთობპროდუქტების  მოზიდვა სატრანზიტო მარშრუტების გადანაწილების  ფონზე.

კომპანიების წარმომადგენლები მონაწილეებს გააცნობენ ახალ ინიციატივებს და პროექტებს, რომლებიც უკავშირდება სატრანზიტო დერეფნის მნიშვნელოვნების შენარჩუნების საკითხს. აღნიშნული საკითხი წარმოადგენს კასპიის-შავიზღვისპირეთის რეგიონში მნიშვნელოვანი ეკონომიკური ურთიერთქმედების ფაქტორს. მაგალითად, ბაქო-თბილისი-ყარსის რკინიგზა, ახალი ტერმინალები საქართველოში, აზერბაიჯანსა და ყაზახეთში. კონფერენციაზე მოხსენებით გამოვლენ საქართველოსა და აზერბაიჯანის რკინიგზის წარმოამდგენლები, ასევე საქართველოსა და უკრაინის საზღვაო ადმინისტრაციების წევრები, სატრანსპორტო და სატვირთო კონპმანიების დელეგატები.

ფორუმის მეორე დღეს კონფერენციის მონაწილეებს შესაძლებლობა ექნებათ ეწვიონ  „კაზტრანსოილის“ კომპანიის ბათუმის ნავთობჩამოსასხმელ ტერმინალს, ასევე კომპანიის  Petrocas Energy Group-ის ფოთის ნავთობჩამოსასხმელ ტერმინალს, სადაც ნავთობისა და ნავთობპროდუქტების უმეტესი ნაწილი იტვირთება.

კონფერენციაზე წარმოდგენილი იქნება ინსპექტირების სფეროში ერთ ერთი უმსხვილესი კომპანიის ლაპორატორიის და ექსპერტიზის  SGS მიღწევები, რომლებიც მაქსიმალურად უზრუნველყოფენ ნავთობისა და ნავთობპროდუქტების ხარისხის კონტროლს.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით