ფოთის მერს ირაკლი კაკულიას საქართველოში მეგობრული ვიზიტით მყოფი თურქეთის სანაპირო დაცვის გემის მეთაური, კაპიტან–ლეიტენანტი ზაფერ არსლანი და ეკიპაჟის წევრები ეწვივნენ.

ფოთის მერიის ინფორმაციით, თურქული გემი, ფოთის ნავსადგურში საქართველოს სანაპირო დაცვის დეპარტამენტის მოწვევით, მეგობრული ვიზიტით შემოვიდა.

ირაკლი კაკულიამ თურქ სამხედრო მეზღვაურებს ფოთის ისტორიულ წარსულზე, ნავსადგურის მნიშვნელობასა და ქალაქში ტურიზმის განვითარების პერსპექტივაზე, ასევე თურქეთის რესპუბლიკასთან ურთიერთობის გაღრმავებასა და თურქეთის რომელიმე შავიზღვისპირა ქალაქთან შესაძლო დამეგობრების თაობაზე ესაუბრა. თავის მხრივ, თურქმა კაპიტანმა ზაფერ არსლანმა მადლობა გადაუხადა მერს და საქართველო–თურქეთის სანაპირო დაცვის უწყებათა თანამშრომლობის მნიშვნელობაზე ისაუბრა.

შეხვედრას საქართველოს სანაპირო დაცვის დეპარტამენტის დირექტორის მოადგილე ,პირველი რანგის კაპიტანი რამაზ პაპიძე ესწრებოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით